Va ŭsim śviecie siońnia naličvajecca kala 4 miljardaŭ smartfonaŭ — heta značyć, što kožny druhi žychar Ziamli karystajecca pieravahami razumnaha hadžeta. Pa prahnozach daśledčykaŭ, praz dva hady ŭ śviecie budzie bolš za 7 miljardaŭ mabilnych pryład, a 72% usich internet-złučeńniaŭ budzie ździajśniacca pry dapamozie smartfona.

Raźvićcio technałohij mianiaje i samo žyćcio: možna biaspłatna zvanić u luby kutok Ziamli i bačyć čałavieka na tym kancy, kožnaje žyćciovaje dasiahnieńnie adznačajecca i kamientujecca ŭ sacsietkach, a na kancertach zamiest zapalničak harać lichtaryki smartfonaŭ.

Siońnia telefon užo nie prosta hadžet, a modny aksesuar, i kab zavałodać topavymi madelami ŭ pieršyja dni prodažaŭ navinak pa ŭsim śviecie vystrojvajucca doŭhija čerhi.

Pieršyja mabilnyja telefony byli hruvastkimi, darahimi i ničoha nie mahli, akramia zvankoŭ. Siońnia ž smartfon u svaim tonkim korpusie źmiaščaje dziasiatki pryład: telefon, fotaaparat, krokamier, elektronny kašalok, GPS-navihatar i bieźlič inšych.

Antysieptyki i sanitajziery dakazali svaju efiektyŭnaść — dla hihijeničnaj apracoŭki ruk dastatkova ŭsiaho 30 siekund. Taksama srodki možna vykarystoŭvać dla dezynfiekcyi pavierchniaŭ i pradmietaŭ.

Maski stali taksama nieadjemnym elemientam baraćby z raspaŭsiudam karanavirusnaj infiekcyi. Ź inšaha boku, za hety hod jany stali častkaj harderobu, jaki padkreślivaje indyvidualnaść ci navat tranśluje hramadstvu roznyja mesedžy.

Siońnia śviet pačynaje pakrysie prychodzić u siabie paśla pandemii, ale niekatoryja zvyčki, zdajecca, zastanucca z nami kali nie nazaŭsiody, to nadoŭha. I navat kali my zdymiem maski, to antysieptyk z zaplečnikaŭ vykładać nie budziem, ale budziem paźbiahać vypadkovych rukapaciskańniaŭ.

Pamiatajecie, jakimi masiŭnymi byli staryja mahnitafony i muzyčnyja centry? Ciapier, kab zładzić viečarynku, dastatkova mieć smartfon i partatyŭnuju kałonku. I nijakaj zaležnaści ad razietak i elektryčnaści.

Hety hadžet staŭ asabliva papularnym siarod moładzi adrazu pa niekalkich pryčynach. Pa-pieršaje, jany kampaktnyja i lohkija. Pa-druhoje, kałonku možna padklučyć da luboj pryłady, jakaja maje Bluetooth, i dla hetaha nie treba ni dratoŭ, ni dadatkovych prahram. Pa-treciaje, jany mohuć pracavać aŭtanomna, a padzaradžać ich možna ad inšych hadžetaŭ ci ad drotu zaradki vašaha smartfona.

Bolš prasunutyja pryłady majuć ubudavany hałasavy pamočnik, jaki moža ŭklučać patrebnuju muzyku i navat padtrymlivać hutarku z karystalnikam. Takuju funkcyju asabliva lubiać baćki małych dzietak, jakija kałonka čytaje kazki ci śpiavaje pieśni.

Choć smartfony i stali vielmi pradukcyjnymi i zmahli šmat u čym zamianić kampjutary, usio jašče niemahčyma sabie ŭjavić ofisnuju pracu biez noŭtbuka.

Łeptopy ekanomiać miesca, robiać karystalnika mabilnym i zdolnym pracavać ź luboj kropki śvietu, dzie jość internet. A sučasnyja technałohii dazvalajuć abjadnać usie hadžety ŭ adnu ekasistemu i zrabić pracu maksimalna efiektyŭnaj i chutkaj.

Choć elektronnyja pryłady i dajuć adčuvańnie svabody, časam jany abrazajuć nam kryły, kali razradžajucca ŭ samy niazručny momant. Ale na hety vypadak jość paŭerbank.

Partatyŭnaja zaradka ŭjaŭlaje saboj akumulatar, ustalavany ŭnutry korpusa ź mietału, płastyku ci humy. Taksama pryłada kamplektujecca kantroleram, jaki kiruje pracesami zaradki i razradki elemientaŭ zabieśpiačeńnia.

Paŭerbanki adroźnivajucca ŭ pieršuju čarhu jomistaściu akumulatara, tamu vybar pryłady zaležyć ad tych umovaŭ, u jakich joj karystajucca.

Haradskija varyjanty vyłučajucca nievialikimi pamierami i kampaktnaściu, taki paŭerbank lohka źmiaščajecca ŭ sumcy ci navat u kišeni. Ale kali vy časta jeździcie na pryrodu ci źjaŭlajeciesia amataram aktyŭnaha adpačynku, to varta abirać hadžety padvyšanaj jomistaści z tryvałym korpusam.