U Breście zatrymali adzinaccacikłaśnikaŭ, jakija padzarablali narkakurjerami
Da taho, jak ich zatrymali, chłopcy paśpieli «schadzić na spravu» trojčy, ale apłaty za svaju pracu jany tak i nie dačakalisia, piša «Bresckaja hazieta».
U Breście ŭ pole zroku apieratyŭnikaŭ narkakantrolu trapili dvoje 11-kłaśnikaŭ, jakija pracavali na adnu ź internet-kramaŭ. Pravaachoŭniki zatrymali ich padčas čarhovaj «zakładki», pry pieratrusie ŭ rečach znajšli skrutki z zabaronienym asabliva niebiaśpiečnym psichatropnym rečyvam — alfa-PVP.
«Školniki vyrašyli padzarabić. Ich zacikaviła spam-rassyłka pra «nieskładanuju pracu». Paśla taho jak junaki aznajomilisia ź instrukcyjami dla pracy narkakurjeram, vyrašyli, što vierahodnaść trapicca supracoŭnikam milicyi nievialikaja. Tak imknieńnie zarabić pieravažyła strach pierad zatrymańniem, i chłapčuki pahadzilisia na hetuju pracu», — paviedamlaje milicyja.
Pierad chłopcami pastavili zadaču — razvozić i chavać nievialikija hruzy. Za adnu takuju «schovanku» abiacali płacić da 4 dalaraŭ. Naŭprost pra narkotyki nie kazali, ale maładyja ludzi, choć sami i nie ŭžyvali, zrazumieli, što jany stanuć zakładčykami.
Kamunikacyja z pracadaŭcam prachodziła vyklučna ŭ miesiendžarach. Maładyja ludzi atrymlivali kaardynaty čarhovaj partyi narkotykaŭ, zabirali ich, zatym rabili zakładki, pierasyłali fatahrafii i apisańnie miesca, kab klijenty mahli znajści skrutak.
Da taho, jak ich zatrymali, staršakłaśniki paśpieli «schadzić na spravu» trojčy, a apłaty za svaju pracu jany tak i nie dačakalisia.
Łukašenka pamiłavaŭ eks-kiraŭnika svajoj achovy Uciuryna6
Kamientary