Siarod inšaha havaryłasia, što haziety niezarehistravanyja i što siarod ich — «Narodnaja vola».
Pra heta na videa kaža čałaviek, imia jakoha nie nazyvajecca.
U suviazi z hetym hałoŭny redaktar «Narodnaj voli» Iosif Siaredzič napisaŭ: «Aficyjna zajaŭlajem, što hazieta «Narodnaja Vola» drukavałasia vyklučna ŭ Biełaruskim domie druku, a paśla taho, jak heta stała niemahčyma pa niezaležnych ad nas pryčynach, hazieta absalutna lehalna vydavałasia ŭ maskoŭskaj drukarni «Prajm-prynt» (horad Daŭhaprudny, Maskoŭskaja vobłaść). Ni ŭ jakich inšych pryvatnych drukarniach «Narodnaja Vola» nie vydavałasia.
Apošni numar haziety «Narodnaja Vola» na papiery byŭ nadrukavany 13 listapada 2020 hoda, dastaŭleny ŭ Minsk i ŭ hety ž dzień kanfiskavany nieviadomymi asobami ŭ maskach. Los hetaha nakładu pa hety dzień nieviadomy.
Z tych časoŭ «Narodnaja Vola» vychodzić vyklučna ŭ elektronnym farmacie.
«Narodnaja Vola» — aficyjna zarehistravany srodak masavaj infarmacyi.
U suviazi z hetym prosim abvierhnuć niedakładnuju infarmacyju, raspaŭsiudžanuju na šerahu resursaŭ ad asoby pres-sakratara MUS i HUBAZiK MUS, a taksama padchoplenuju inšymi internet-resursami», — piša Iosif Siaredzič.
