Prezident Ukrainy ŭ intervju Axios zaklikaŭ prezidenta ZŠA Džo Bajdena sustrecca ź im da 16 červienia, kali ŭ šviejcarskaj Ženievie projdzie rasijska-amierykanski samit.
«Razumieju, što praz płany, jakija maje Bajden, i jaho žorstki hrafik heta moža nie adbycca, ale vybar zastajecca tolki za im. Źjaŭlajučysia harantam Kanstytucyi Ukrainy, ja hatovy abaraniać Ukrainu ŭ luby momant i ŭ lubym punkcie płaniety, i ja hatovy sustrecca ź im (Bajdenam) i abmierkavać usie hetyja detali pierad sustrečaj (Pucina i Bajdena)», — cytuje Zialenskaha ria.ru.
Ukrainski prezident adznačyŭ, što administracyja prezidenta ZŠA nie apaviaściła jaho ab tym, što Bajden admovicca ad sankcyj suprać apieratara hazapravoda «Paŭnočnaja płyń — 2». Pa słovach Zialenskaha, jon daviedaŭsia pra heta z presy, piša meduza.io.
Zialenski ličyć, što rasijski hazapravod pahražaje nacyjanalnaj biaśpiecy Ukrainy, a ZŠA — adzinaja siła, zdolnaja spynić Rasiju.
Krynica Axios u Biełym domie paviedamiła, što administracyja Bajdena źbirałasia zładzić sustreču z prezidentam Ukrainy pierad samitam u Ženievie, ale admoviłasia ad hetaj idei paśla taho, jak Zialenski vyrašyŭ źmianić kiraŭnictva «Naftahaza». U ZŠA aścierahajucca, što tak ukrainski prezident adstupaje ad svaich namahańniaŭ pa baraćbie z karupcyjaj.
Kamientary