Siońnia ŭ Breście byŭ vyniesieny prysud hramadskaj aktyvistcy Palinie Šarenda-Panasiuk.
Na Palinu zaviali try kryminalnyja spravy: pavodle art. 364 KK («Hvałt albo pahroza vykarystańnia hvałtu ŭ dačynieńni da supracoŭnika orhanaŭ unutranych spravaŭ»), art. 368 («Abraza prezidenta») i art. 369 («Abraza pradstaŭnika ŭłady»). Maksimalnaje pakarańnie praduhledžvała da 6 hadoŭ pazbaŭleńnia voli.
Usiaho paciarpiełymi prachodzili 7 milicyjanieraŭ. Pavodle viersii abvinavačvańnia, jana plunuła i ŭdaryła adnaho ź milicyjantaŭ padčas ahladu, a ź inšaha sarvała masku, astatnich abražała. Taksama jana nibyta dapuściła abrazu Łukašenki.
Palina Šarenda-Panasiuk była zatrymanaja 3 studzienia. U jaje kvatery vyłamali dźviery, praviali ahlad, skanfiskavali šerah rečaŭ, a Palinu zatrymali i ŭ kajdankach advieźli ŭ IČU. Paźniej jaje pieraviali ŭ SIZA.
Jaje muž Andrej Šarenda adsiedzieŭ bolš za 60 sutak, ciapier jon pad chatnim aryštam, na jaho zaviali spravu pa art. 368 KK («Abraza prezidenta») i art. 361 («Zakliki da dziejańniaŭ, nakiravanych na pryčynieńnie škody nacyjanalnaj biaśpiecy Respubliki Biełaruś»).
U siamji dvoje dziaciej.
Kamientary