Minzdaroŭja pra situacyju z druhoj dozaj vakcyny: Čakajem dazvołu z Rasii, siońnia pieraraźmiarkujem najaŭnuju
Ministerstva achovy zdaroŭja prakamientavała situacyju ź niedachopam druhoha kampanienta vakcyny ad kavidu «Sputnik V». Viedamstva paviedamlaje, što ciapier čakajuć z Rasii dazvoł na vykarystańnie 180 tysiač doz druhoha kampanienta.
«Na siońnia kalehi z Rasii zaviaršajuć praviadzieńnie pracedury kantrolu jakaści vakcyny, jakuju vyrabili na mahutnaściach «Biełmiedpreparataŭ». Płanujecca, što ŭ hramadzianski abarot vakcyna pastupić da kanca tydnia», — paviedamlaje Minzdaroŭja ŭ svaim telehram-kanale.
Viedamstva nahadvaje, što ŭ krainie bolš za 656 tysiač čałaviek atrymali pieršuju dozu vakcyny suprać COVID-19, ź ich bolš za 358 tys. prajšli poŭny kurs vakcynacyi.
Pa najaŭnaści vakcyny — na siońniašni momant i da kanca tydnia ŭ krainie majecca ŭ najaŭnaści bolš za 150 tys. doz pieršaha kampanienta i bolš za 30 tysiač doz druhoha.
Z ulikam uźnikłaj učora situacyi z adsutnaściu vakcyny ŭ niekatorych paliklinikach stalicy, siońnia budzie pieraraźmierkavany druhi kampanient vakcyny.
Minzdaroŭja nahadvaje, što termin praviadzieńnia etapaŭ vakcynacyi napramuju zaležyć ad času pastupleńnia partyj vakcyny (vytvorčaści vakcyny) paśla prachodžańnia pracedury kantrolu jakaści.
Kamientary