Telekanał «Biełsat» pakaža siensacyjny dakumientalny film «Savieckaja historyja». Stužka raspaviadaje pra kamunistyčnyja złačynstvy na terytoryi byłoha SSSR. Premjera 4 lipienia a 18:05.
«Savieckaja historyja» («The Soviet story»), stvoranaja łatvijskim režysioram Edvinsam Šnore, raspaviadaje pra Haładamor va Ukrainie (1932—1933), katynski rasstreł (1940), ciesnuju supracu NKVD i hiestapa (1939—1941), masavyja departacyi ŭhłyb SSSR paśla II suśvietnaje vajny, miedyčnyja ekśpierymienty na źniavolenych HUŁAHu dy inš.
Film zdymali dva hady, a zbor materyjałaŭ da stužki zaniaŭ bolš za 10 hadoŭ.
U filmie vykarystoŭvajucca jak unikalnyja archiŭnyja dakumientalnyja materyjały, tak i intervju achviaraŭ złačynstvaŭ, jakim udałosia vyžyć, dy viadomyja postaci. Siarod apošnich — praf. Norman Devis, Michaił Harbačoŭ, Uładzimir Bukoŭski, Viktar Suvoraŭ, a taksama deputaty Jeŭraparłamienta.
0
0
0
0
0
0
