BiełTA
Prakuror Siarhiej Hirhiel zaprasiŭ 15 hadoŭ pazbaŭleńnia voli dla palitźniavolenaha eks-bankira Viktara Babaryki pa abvinavačvańni ŭ atrymańni chabaru ŭ asabliva bujnym pamiery (častka 3 artykuła 430 KK) i lehalizacyi srodkaŭ, atrymanych złačynnym šlacham (častka 2 artykuły 235 KK).
Heta maksimalny termin, jaki mahli zapytać pa vystaŭlenych jamu abvinavačvańniach. Viktar Babaryka svaju vinu nie pryznaŭ.
Siarhieja Šabana i Dźmitryja Kuźmiča dziaržabvinavačańnie paprasiła pakarać 6,5 hadami pazbaŭleńnia voli. Alaksandra Iljasiuka, Siarhieja Dabraleta i Kiryła Badzieja prakuror paprasiŭ pakarać 5,5 hadami pazbaŭleńnia voli.
Namieśniku Babaryki Alaksieju Zadojku prakuror paprasiŭ 3 hady abmiežavańnia voli biez nakiravańnia ŭ papraŭčuju ŭstanovu.
Dla saŭładalnika i kiraŭnika kampanii «Aktyŭlizinh» Viktara Kabiaka prakuror prosić 3 hady pazbaŭleńnia voli.
***
Eks-kiraŭnik Biełhazprambanka Viktar Babaryka, jaki ŭ mai 2020 hoda abviaściŭ pra namier bałatavacca ŭ prezidenty, byŭ zatrymany 18 červienia 2020 hoda. Tady ž byŭ zatrymany i jaho syn Eduard.
Sud nad Viktaram Babarykam i top-mieniedžarami Biełhazprambanka pačaŭsia ŭ lutym.
