fota Nadziei Bužan
Novyja kantrakty padpisali 53 sudździ pa ŭsioj Biełarusi — u hety lik uvachodziać i tyja, chto tolki pryjšoŭ na pracu, i tyja, chto atrymaŭ pryznačeńnie na čarhovyja piać hadoŭ.
33 sudździ adpravilisia ŭ adstaŭku. Siarod ich jość i tyja, chto syšoŭ na piensiju, i tyja, u kaho skončyŭsia kantrakt. Adnak jość i 10 čałaviek, jaki syšli pa ŭłasnym žadańni. Niekatoryja ź ich ni razu nie paŭdzielničali ŭ palityčnych pracesach.
Siarod hetych 10 čałaviek jość dva sudździ, jakija pracavali ŭ Minsku.
Alaksandr Kočyk byŭ sudździoj Partyzanskaha rajona. U bazie pravaabaroncaŭ paznačana 56 pracesaŭ pa palityčnych artykułach ź jaho ŭdziełam. Kočyk vynies štrafaŭ na 15 tysiač rubloŭ i daŭ 529 sutak aryštu. Siarod inšaha, pasadziŭ na sutki eks-kamientatara BT Uładzisłava Tatura. Apošni raz Kočyk vynosiŭ sutki ŭ hetym miesiacy. Cikava, što jon padpisaŭ novy kantrakt paŭhoda tamu, ale ŭžo paprasiŭsia ŭ adstaŭku.
Pavieł Łabodzin adpracavaŭ hod sudździoj u Pieršamajskim rajonie, pryjšoŭšy na miesca kalehi-dekretnicy. Jon nie vynies nivodnaha palityčnaha rašeńnia.
Peŭnuju viadomaść maje i homielski sudździa Dźmitryj Deboj. Heta jon pakaraŭ 5 hadami vychavaŭčaj kałonii 16-hadovaha Mikitu Załatarova. Jašče dvum palitviaźniam, Dźmitryju Karniejevu i Leanidu Kavalovu, jon prysudziŭ 8 i 6 hadoŭ kałonii adpaviedna.
