Da hoda chatniaj chimii asudzili dziaŭčynu, jakaja pierarabiła himn u asabistym tvitary
28 červienia sud Kastryčnickaha rajona vynies prysud 26-hadovaj Hańnie Važnik. Jaje pryznali vinavataj pavodle art. 370 Kryminalnaha kodeksa i asudzili abmiežavańniem voli terminam na adzin hod biez nakiravańnia ŭ papraŭčuju ŭstanovu — «chatniaj chimii». Mienavita takoje pakarańnie zaprošvaŭ prakuror Zavarzin, paviedamlajuć pravaabaroncy.
Spravu razhledzieła sudździa Alena Žyvica. Abvinavačanuju abaraniaŭ advakat Andrej Doŭnar.
Hannu pryznali vinavataj u tym, što ŭ asabistym akaŭncie ŭ tvitary jana pierarabiła adzin kuplet himna, pačaŭšy z frazy «My ekstriemisty — mirnyje ludi…» Zhodna z abvinavačańniem, jana ździejśniła ździek ź dziaržsimvała — himna.
Dziaŭčyna pracuje nastaŭnicaj muzyki. Jaje zatrymali 28 krasavika, a 30 krasavika vypuścili na volu pad asabistaje paručalnictva baćkoŭ. Da spravy dałučanyja stanoŭčyja charaktarystyki i padziaki ź miescaŭ vučoby i pracy.
Čytajcie taksama: Siłaviki zatrymali 26-hadovuju nastaŭnicu muzyki: pierarabiła słovy himna ŭ tvitary
-
Italjaniec pierajechaŭ u biełaruskuju viosku i pačaŭ piačy sapraŭdnuju picu na drovach
-
«90 čałaviek vyhnali pad piakučaje sonca i trymali tam try hadziny. Ja paŭtarała tolki adnu malitvu: niachaj im usio vierniecca»
-
Ci chopić sioleta €2000, kab adpačyć na mory? Što adbyvajecca z cenami na letni adpačynak
Jak skłaŭsia los vypusknikoŭ, jakimi žurfak hanaryŭsia 10 hadoŭ tamu? Historyja adnaho ŭračystaha kałaža31
Kamientary