U sudzie Maskoŭskaha rajona horada Bieraścia 28 červienia pavinien byŭ pačacca praces nad hramadskim aktyvistam i palitviaźniem Andrejem Šarendam. Jaho abvinavačvajuć adrazu pa dvuch artykułach kryminalnaha kodeksu - art. 361 (zakliki da dziejańniaŭ, skiravanych na pryčynieńnie škody nacyjanalnaj biaśpiecy Respubliki Biełaruś) i art. 368 (abraza Prezidenta Respubliki Biełaruś).
Ad 31 traŭnia jon byŭ źmieščany pad chatni aryšt.
Spačatku na Andreja Šarendu zaviali kryminalnuju spravu pavodle art. 361. Padčas pieratrusu ŭ Andreja kanfiskavali ŭsiu techniku. 29 krasavika stała viadoma, što na Andreja zaviali jašče adnu kryminalnuju spravu ab abrazie prezidenta (č.1 art. 368 KK RB). Sprava za abrazu prezidenta była ŭzbudžana paśla intervju Andreja ad 29 sakavika 2021 hoda, u jakim, pavodle paviedamleńnia prakuratury, ad jaho imia ŭtrymlivajucca zakliki da pratestaŭ, a taksama farmuloŭki i vyrazy, jakija publična abražajuć prezidenta. 31 traŭnia Andreja znoŭ zatrymali i pavieźli na dopyt. Paśla dopyta Andreja Šarendu źmiaścili pad chatni aryšt.
Jak paviedamlajuć pravaabaroncy, abvinavačany Andrej Šarenda nie źjaviŭsia na svoj sud.
Sudździa Fiłonik vydaliłasia ŭ daradčy pakoj, prymać rašeńnie ab źmienie miery strymańnia. Šarenda byŭ pad chatnim aryštam.
Jahonaj žoncy Palinie niadaŭna prysudzili dva hady kałonii ahulnaha režymu. U pary dvoje niepaŭnaletnich dziaciej.
-
Italjaniec pierajechaŭ u biełaruskuju viosku i pačaŭ piačy sapraŭdnuju picu na drovach
-
«90 čałaviek vyhnali pad piakučaje sonca i trymali tam try hadziny. Ja paŭtarała tolki adnu malitvu: niachaj im usio vierniecca»
-
Ci chopić sioleta €2000, kab adpačyć na mory? Što adbyvajecca z cenami na letni adpačynak
Jak skłaŭsia los vypusknikoŭ, jakimi žurfak hanaryŭsia 10 hadoŭ tamu? Historyja adnaho ŭračystaha kałaža31
Kamientary