Dziarždep ZŠA zaklikaŭ Kitaj pryniać miery dla źnižeńnia ryzyki jadziernaj vajny
Vašynhton zaniepakojeny źviestkami pra naroščvańnie Kitajem jadziernaj prahramy i zaklikaje Piekin pryniać praktyčnyja miery pa źnižeńni ryzyk. Pra heta zajaviŭ pres-sakratar Dziarždepartamienta ZŠA Ned Prajs, tranślacyja jaho vystupleńnia apublikavanaja na staroncy viedamstva ŭ Twitter.
Tak, padčas bryfinhu Prajs adkazaŭ na pytańnie žurnalista pra artykuł u haziecie The Washington Post, zhodna ź jakim u paŭnočnaj častcy KNR pačałosia budaŭnictva 119 puskavych šacht dla mižkantynientalnych balistyčnych rakiet.
«Budzie spraviadliva skazać, što hetyja źviestki, a taksama inšyja padziei pakazvajuć na toje, što jadzierny arsienał Kitaja budzie raści značna chutčej i na bolš vysokim uzroŭni, čym raniej mierkavałasia. Takoje naroščvańnie vyklikaje zaniepakojenaść i pytańni ab namierach Kitaja», — skazaŭ jon.
Na dumku Prajsa, takija budoŭli ŭsio ciažej schavać, jany taksama demanstrujuć, jak «Kitaj, padobna, adchilaŭsia ad jadziernaj stratehii, zasnavanaj na minimalnym strymlivańni». Prajs dadaŭ, što ŭ ZŠA nie raz zaklikali Piekin da praktyčnych mier dla źnižeńnia ryzyk honki ŭzbrajeńniaŭ i deeskałacyi napružanaści.
«Mienavita tamu prezident Džo Bajden ličyć pryjarytetnaj stratehičnuju stabilnaść i ŭzajemadziejničaje z prezidentam [Rasii Uładzimiram] Pucinym. Taja ž asnova budzie ŭžyvacca da ŭzajemadziejańnia ź inšaj jadziernaj dziaržavaj — Kitajem», — padsumavaŭ Prajs.
Raniej vysoki pradstaŭnik AAN pa pytańniach razzbrajeńnia Idzumi Nakamicu zajaviła ab uzrastajučaj ryzycy prymianieńnia jadziernaj zbroi ŭ śviecie, adznačaje RBK. Pa jaje słovach, u arhanizacyi vielmi zaniepakojenyja takimi pierśpiektyvami. Siarod pryčyn ciapierašniaj situacyi Nakamicu nazvała naroščvańnie šmatpalarnaha jadziernaha paradku, rehijanalnuju napružanaść i honku ŭzbrajeńniaŭ. «My nazirajem adsutnaść dyjałohu, źnižeńnie prazrystaści. Režym kantrolu nad uzbrajeńniami praciahvaje razburacca», — skazała jana.
Ciapier čytajuć
«Jany čamuści dumajuć, što ich zaraz zhvałciać». Prapahanda kinułasia tušyć abureńnie biełarusaŭ 150 tysiačami pakistancaŭ20
Kamientary