Pačynajuć sudzić lidara AHP Kazłova. U čym sutnaść abvinavačvańnia, jon nie razumieje
Mikałaja Kazłova abvinavavajuć u razhałošvańni źviestak daznańnia. Jamu pahražaje štraf abo da troch miesiacaŭ aryštu.
Spravu razhledziać u sudzie Leninskaha rajona Minska. Kryminalnaja sprava ŭ dačynieńni da lidara AHP źjaviłasia ŭ sakaviku hetaha hoda.
Raniej Kazłoŭ niekalki razoŭ admaŭlaŭsia davać padpisku ab nierazhałošvańni paśla dopytaŭ u SK pa kryminalnaj spravie suprać Kaardynacyjnaj rady. Za heta jaho ŭžo pryciahvali da administracyjnaj adkaznaści.
— Ja dakładna nie rychtujusia da apraŭdalnaha prysudu. Zrazumieła, što sudździ zaraz znachodziacca ŭ paradyhmie, kali «nie da zakonaŭ», — raspaviadaje «Našaj Nivie» palityk pierad pačatkam pasiadžeńnia. — Ale ja raźličvaju chacia b daviedacca ŭ sudzie, jakija danyja ja raspavioŭ. Pry aznajamleńni z Kryminalnaj spravaj ja tak i nie vyśvietliŭ nijakaj kankretyki.
Kamientary