Zaćvierdžany eskiz pamiatnaha znaka na miescy hibieli lotčykaŭ Jak-130 u Baranavičach FOTA
Aŭtaram idei staŭ major Alaksandr Čarnyšoŭ, jaki słužyć u 61-j źniščalnaj avijacyjnaj bazie. Jon prapanavaŭ adlustravać na pamiatnym znaku dvuch žuraŭloŭ, jakija laciać u nieba, paviedamlaje nashkraj.by.
Pavodle zadumki aŭtara prajekta, ptuški laciać na fonie siłuetu samalota Jak-130. Na adnym baku hranitnaj plity buduć imiony lotčykaŭ-hierojaŭ, a na advarotnym — apošniaja rasšyfravanaja fraza pieramovaŭ:
— Katapultujciesia!
— Nie! Horad pad nami…
Pamiatny znak płanujecca raźmiaścić u dvary šmatkvaternych žyłych damoŭ na miescy padzieńnia samalota.
Trahiedyja ŭ niebie nad Baranavičami adbyłasia 19 maja. Jak-130 vykonvaŭ vučebny palot, ale ŭźnikła techničnaja niaspraŭnaść. Major Andrej Ničyporčyk i lotčyk Mikita Kukanienka canoj ułasnaha žyćcia adviali samalot ad žyłych kvartałaŭ.
Kamientary