Viertalet Mi-8 kampanii «Viciaź-Aera», jaki pieravoziŭ turystaŭ z Maskvy i Pieciarburha, paciarpieŭ katastrofu 12 žniŭnia na Kurylskim voziery na Kamčatcy. Abłomki Mi-8 pajšli pad vadu na hłybiniu bolš za 100 mietraŭ praktyčna adrazu paśla krušeńnia, paviedamlaje meduza.io.
Na borcie Mi-8 znachodzilisia 16 čałaviek: 13 pasažyraŭ, u tym liku dzicia, i troje členaŭ ekipaža. Šaściarym pasažyram i dvum členam ekipaža ŭdałosia vybracca z patanułaha viertalota i vypłyć na pavierchniu, dzie ich vyratavali rabotniki zapaviednika, što apieratyŭna prypłyli na katerach da miesca krušeńnia.
Astatnija vosiem čałaviek, u tym liku kamandzir ekipaža Mi-8, jak miarkujecca, zahinuli.
Paciarpiełyja dastaŭleny ŭ Pietrapaŭłaŭsk-Kamčacki. Dvoje ź ich znachodziacca ŭ ciažkim stanie.
Na miescy padzieńnia viertalota pracujuć dziasiatki ratavalnikaŭ. Vadałazy pakul nie mohuć apuścicca na hłybiniu. Pa ich słovach, tempieratura vady ŭ voziery ciapier składaje nie bolš piaci-šaści hradusaŭ i doŭha znachodzicca ŭ joj niemahčyma.
Kamientary