Pinievič pra situacyju z karanavirusam u «Lasnoj palanie»: Dzieci raźbityja na dźvie hrupy — adnyja ŭ balnicy, druhija pad nahladam
Pra heta raskazaŭ siońnia žurnalistam ministr achovy zdaroŭja Dźmitryj Pinievič. Raniej siarod dziaciej u letniku byli vyjaŭlenyja vypadki karanavirusa.
Jak raspavioŭ ministr, «ciapier usie dzietki raźbityja na dźvie hrupy. Pieršaja hrupa — dzieci, jakija majuć minimalnyja simptomy zachvorvańnia — raźmieščana ŭ Astravieckaj CRB. Druhaja hrupa — dzietki z paćvierdžanym karanavirusam, ale bieź simptomaŭ. Jany znachodziacca ŭ centry pad miednahladam asobna ad inšych».
Astatniaja hrupa dziaciej (kantakty pieršaha ŭzroŭniu) taksama znachodziacca pad nahladam miedycynskich rabotnikaŭ.
«Z kliničnaha punktu hledžańnia, nam važnyja dobraje nazirańnie i analiz kantahijoznaści virusa ŭ dziaciej (heta virus delta), jaho ciačeńnie i prahnoz (nakolki chutka źnikajuć prajavy). My znachodzimsia na parozie navučalnaha hoda i pavinny acanić vypracavanyja (sumiesna z zacikaŭlenymi) kroki pa praduchileńni chutkaha raspaŭsiudžvańnia COVID-19. My praviali manitorynh usich azdaraŭlenčych łahieraŭ — jak siezonnych, tak i kruhłahodnych. Usiudy situacyja spakojnaja:
U adnym z łahieraŭ u Čavuskim rajonie my vyjavili sparadyčnyja vypadki, jakija nie zapatrabavali asablivych mierapryjemstvaŭ».
Kamientary