Kiraŭnik Pamiežnaj achovy Łatvii: Mihranty na miažy chočuć viarnucca dadomu, ale ich siłaj vyšturchvajuć ź Biełarusi
Mnohija mihranty na miažy Łatvii i Biełarusi paviedamlali ab žadańni jak maha chutčej trapić dadomu, ale ich vyšturchoŭvali ź Biełarusi siłaj. Pra heta paviedamiŭ u efiry Łatvijskaha radyjo načalnik Dziaržaŭnaj pamiežnaj achovy Huncis Pujats, pieradaje Delfi.lt.
Za tydzień da 24:00 niadzieli pamiežnaja achova viarnuła ŭ Biełaruś 395 parušalnikaŭ miažy, jakija sprabavali nielehalna trapić u Łatviju.
Samaja vialikaja kolkaść mihrantaŭ zafiksavana ŭ čaćvier — 101 čałaviek. U inšyja dni łatvijskuju miažu sprabavali pierasiekčy ŭ siarednim kala 50 čałaviek.
«Kali atrymoŭvajecca zafiksavać asoby ŭ momant pierasiačeńnia miažy, to pakazvajem im, što heta złačynstva i zaklikajem admovicca ad ździajśnieńnia złačynstva. Kali nie vychodzić, to pravodzim mierapryjemstvy, kab hetaha nie adbyłosia», — skazaŭ Pujats.
Kožny vypadak pierasiačeńnia miažy aceńvajecca indyvidualna. Da hetaha času było pryniata adno rašeńnie ab pryniaćci čałavieka z parušeńniami ruchu, jaki nie moh pra siabie pakłapacicca, jak raspavioŭ Pujats. Mihranty nieśli hetaha čałavieka na rukach praź miažu.
Pujats adznačyŭ, što mihranty niezadavolenyja ciapierašniaj situacyjaj i mnohija paviedamlali, što chočuć chutčej trapić nazad u Irak, ale biełarusy ich šturchali praź miažu siłaj.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym2
Kamientary