Sprava ŭ bijamarkiery, jaki moža vyklikać hety sindrom.
Navukoŭcy raspracavali sposab vyśvietlić z dapamohaj analizu kryvi, ci buduć tyja, chto vyzdaravieŭ ad kavidu, dalej mieć simptomy chvaroby. Viadoma, što da dźviuch trecich ad usioj kolkaści pierachvarełych na kavid atrymlivajuć tuju ci inšuju formu tak zvanaha postkavidu, i ŭ najbolš ciažkich vypadkach hety sindrom moža na miesiacy prykavać čałavieka da łožka.
Daśledčyki z Kiembrydžskaha ŭniviersitetu praanalizavali kroŭ 85 pacyjentaŭ ź simptomami postkavidu i znajšli ŭ joj malekułu rečyva cytakin — jaho vyrablajuć u adkaz na infiekcyju t-kletki, asnoŭny elemient kletačnaha imunitetu. Hety bijamarkier prysutničaje ŭ kryvi doŭhi čas paśla infikavańnia. Jak ličać navukoŭcy, jon prymušaje arhanizm ličyć, što ŭ ciele, jak raniej, prysutničaje virus kavidu, a najaŭnaść takoha rečyva ŭ kryvi dazvalaje dyjahnastavać postkavid, piša Daily Mail.
Da stvareńnia hetaha testu nie isnavała nadziejnych sposabaŭ vyjavić postkavid. Bolš za toje, časam składana znajści daktaroŭ, jakija staviacca da simptomaŭ chvaroby surjozna i mohuć prapanavać lačeńnie, što prymušaje pacyjentaŭ niervavacca jašče bolš. Ciapier takim ludziam možna budzie lohka pastavić pravilny dyjahnaz.
Zaraz navukoŭcy z Kiembrydža płanujuć dalej daśledavać suviaź pamiž cytakinam i postkavidam, a taksama šukać sposaby lačeńnia sindromu. Mahčyma, što cytakiny spryjajuć raźvićciu simptomaŭ postkavidu, u tym liku bolaŭ u muskułach i sustavach i straty smaku ci niuchu.
Stała viadoma pra śmierć 22-hadovaha chłopca, jakoha asudzili pa palityčnaj kryminałcy2
Kamientary