Pieratrus u supracoŭnikaŭ BiełaPAN pravodzić SK. Źnik dostup da sajta
Pra heta paviedamiŭ namieśnik hałoŭnaha redaktara Alaksandr Zajcaŭ.
U namieśnika hałoŭnaha redaktara BiełaPAN Alaksandra Zajcava padčas pieratrusu kanfiskavanaja technika, jon nie zatrymany, paviedamlajuć navinyonline.
Pa słovach Zajcava, pieratrus pravodziŭsia prykładna na praciahu hadziny ŭ ramkach spravy ab arhanizacyi dziejańniaŭ, jakija hruba parušajuć hramadski paradak (art. 342). Usiaho było siem čałaviek: dva supracoŭniki ABEZ, ich kuratar (mahčyma, ź inšaha viedamstva), dva śpiecnazaŭcy ŭ poŭnaj ekipiroŭcy i dvoje paniatych.
Zabrali mabilny telefon, ćviordy dysk kampjutara, stary płanšet, a taksama redakcyjnaje paśviedčańnie i niekalki vizitovak. Spravu viadzie Śledčy kamitet.
Alaksandr Zajcaŭ nie zatrymany, ale padpisaŭ abaviazacielstva ab jaŭcy. Jaho pracesualny status jamu nie rastłumačyli.
Tym časam sajt BiełaPANa pierastaŭ hruzicca.
Ź pieratrusam pryjšli da supracoŭnikaŭ BiełaPAN
Stała viadoma pra śmierć 22-hadovaha chłopca, jakoha asudzili pa palityčnaj kryminałcy2
Kamientary