Łukašenka: Hladzieć na siońniašniaje ŭbostva ŭ futbole niedapuščalna
Pra heta jon zajaviŭ siońnia padčas adkryćcia dziciača-junackaha futbolnaha centra kłuba «Dynama-Minsk», piša BiełTA.
«Hladzieć na toje ŭbostva, jakoje siońnia demanstruje futboł, niedapuščalna», — adznačyŭ Alaksandr Łukašenka.
Jon rastłumačyŭ, što maje na ŭvazie nie tolki «bliskučuju» hulniu biełaruskaj zbornaj suprać kamandy Čechii [prajhrali 0:1]. «Ja kiraŭniku Fiederacyi zadaŭ pytańnie: navošta vypuścili naohuł moładzievuju kamandu na futbolnaje pole ŭčora? [prajhrali Isłandyi 1:2.] Jany nie sabralisia hulać. Zapomnicie: heta vam ŭrok», — zajaviŭ Łukašenka.
Łukašenka pacikaviŭsia, jakaja ciapier siaredniaja zarpłata ŭ futbalistaŭ asnoŭnaha składu «Dynama-Minsk». Jamu adkazali, što ciapier heta $ 4-5 tys., ale pakul dziejničajuć staryja kantrakty. Užo pryniata pastanova — pa im budzie da 8 tys. rubloŭ.
Nahadajem taksama, što ŭviesnu biełaruskaja zbornaja prajhrała ŭ haściach Bielhii 0:8, a ŭ žniŭni ŭsie čatyry biełaruskija kłuby vylecieli z kvalifikacyi jeŭrakubkaŭ.
Stała viadoma pra śmierć 22-hadovaha chłopca, jakoha asudzili pa palityčnaj kryminałcy2
Kamientary