Pra heta paviedamlaje časopis Time. Havorka idzie ab padpolnaj arhanizacyi, jakaja kaardynuje supraciŭ režymu vajskoŭcaŭ, što zachapili ŭładu ŭ krainie.
Prezident NUG Duva Łašy zajaviŭ, što abviaščaje ŭ Mjanmie nadzvyčajnaje stanovišča. Jon taksama źviarnuŭsia da etničnych hrupovak Mjanmy, jakija zmahalisia za svaju aŭtanomiju, i zaklikaŭ atakavać uradavyja vojski.
Pa słovach Łašy, vajskoŭcy i palicyja pavinny dałučycca da supracivu, a čynoŭniki Mjanmy — bajkatavać pracu ŭ dziaržaŭnych orhanach. U NUG taksama abviaścili, što nieŭzabavie atrady narodnaha apałčeńnia piarojduć u nastup i zrobiać u Mjanmie narodnuju revalucyju.
Vajskovy pieravarot u Mjanmie adbyŭsia ŭ lutym 2021 hoda. U lutym sałdaty hałoŭnakamandujučaha Mjanmy min Aun Chłajna raspuścili ŭrad i aryštavali prezidenta krainy Vin Mjina i Aun San Su Čžy, jakaja zajmała pasadu dziaržaŭnaha daradcy i kiraŭnika MZS. Nieŭzabavie ŭ krainie pačalisia pratesty ŭ padtrymku zrynutaha ŭrada.
Narodnyja vybrańniki, što stracili ŭładu, arhanizavali NUG i pačali zmahacca z režymam vajskoŭcaŭ. Ciapier jany aficyjna znachodziacca ŭ vyhnańni i nie majuć prava zajmać aficyjnyja pasady ŭ krainie.
