Brytancy stvaryli recept bietonu dla pracy na inšych płanietach. U jaho składzie — kaśmičny pył, a taksama kroŭ, pot i ślozy astranaŭtaŭ (heta nie žart)
Brytanskija navukoŭcy prydumali novy materyjał dla budynkaŭ za miežami Ziamli. Rečyva pad nazvaj AstroCrete charaktaryzujecca na 300% macniejšaj siłaj ściskańnia, čym zvyčajny bieton. Jašče adzin bonus — AstroCrete nie treba pryvozić ź Ziamli. Vučonyja z Univiersiteta Mančestera, jakija stvaryli «kaśmičny» bieton, kažuć, što heta robić jaho daskanałym budaŭničym materyjałam dla pazaziamnych umovaŭ.
Transparciroŭka na Mars chacia b adnoj cahliny kaštuje prykładna dva miljony dalaraŭ. Tamu budučyja kałanisty nie zdolejuć uziać z saboj ź Ziamli budaŭničyja materyjały. Zamiest hetaha im pryjdziecca karystacca tymi resursami, što jany buduć mieć na inšaj płaniecie, tłumačyć Sky News.
Asnovaj dla «kaśmičnaha» bietona buduć dva bijałahičnyja rečyvy. Pierš za ŭsio, havorka pra albumin syvaratki kryvi — raspaŭsiudžany ŭ čałaviečaj kryvi białok. Jaho navukoŭcy prapanujuć spałučyć z mačavinaj — praduktam adchodu, jaki ŭvachodzić u skład mačy, potu i śloz.
Hetyja rečyvy možna źmiašać z pyłam z pavierchni Łuny ci Marsa. U vyniku atrymajecca materyjał AstroCrete, jaki maje na 300% macniejšuju siłu ściskańnia, čym ziamny bieton. Vučonyja raźličvajuć, što AstroCrete taksama zdoleje vytrymać niezvyčajnyja ŭmovy ŭ kosmasie.
Pry stvareńni «kaśmičnaha» bietona navukoŭcy natchnilisia staradaŭnim mietadam budaŭnictva, kali ŭ vapnavy rastvor dadavali śvinuju kroŭ. Stvorany takim čynam materyjał ličycca važnym vynachodnictvam architektaraŭ staražytnaha Kitaja.
Čytajcie taksama: iPhone 13, novyja płanšety i hadzińnik: što prezientavała Apple ŭ aŭtorak
Kamientary