«Tak, sapraŭdy my pačali bolš siekčy». Namieśnik ministra lasnoj haspadarki adkazaŭ na «fejki» pra niemiłasernuju vyrubku lasoŭ
Pieršy namieśnik ministra lasnoj haspadarki Valancin Šatraŭka na pres-kanfierencyi 15 vieraśnia pryznaŭ, što vysiečka lasoŭ u krainie vyrasła. Ale jana, pavodle jaho słoŭ, zapłanavanaja i abhruntavanaja.
Adkazvajučy na pytańnie ab vysiečcy lasoŭ u Biełarusi, Šatraŭka paćvierdziŭ, što lasoŭ u krainie stali siekčy bolš.
«Tak, sapraŭdy my pačali bolš siekčy. Ale siekčy my pačali bolš tamu, što pačali śpieć lasy», — skazaŭ jon.
Pavodle jaho danych, kali ŭ 1988 hodzie ŭ respublicy było 2,6% saśpiełych lasoŭ, to «zrazumieła, što praktyčna rychtavać niama čaho było. Siońnia my majem 18% saśpiełych lasoŭ». Adpaviedna nieabchodna prybirać uradžaj, jaki paśpieŭ, što lashasy i robiać.
Pavodle słoŭ namieśnika ministra, pa kožnym lashasie raz u 10 hadoŭ składajecca prajekt viadzieńnia lasnoj haspadarki, usie ŭčastki lasnoha fondu aličbavanyja, śpiecyjalisty viedajuć charaktarystyku nasadžeńniaŭ na hetych učastkach i dla raźliku biarucca tolki saśpiełyja ŭčastki. Raźlik vyrablajecca pa lashasie na 100 hadoŭ, jak budzie źmianiacca lesasieka ŭ zaležnaści ad taho, jak hetyja lasy buduć śpieć, raspavioŭ Šatraŭka.
Pavodle namieśnika ministra, za apošnija 30 hadoŭ pastajanna raście płošča lasnoha fondu, na siońnia jana składaje 9, 6 młn ha, ahulnaja płošča pakrytych lesam ziamiel — 8,3 młn ha, i litaralna za apošnija piać hadoŭ jana vyrasła na 95 tys. ha.
Valancin Šatraŭka paskardziŭsia, što błohiery, jakija ŭzdymali prablemu vysiečki lasoŭ, nie pryjechali na pres-tury, jakija arhanizoŭvaŭ u tym liku i jon asabista.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym2
Kamientary