Najaŭnaść depresii ŭ junactvie mocna pavyšaje šansy zachvareć paźniej na demiencyju — daśledavańnie
Pavodle navukoŭcaŭ, razumovyja zdolnaści pačynajuć panižacca ŭsiaho praź dziesiać hadoŭ paśla pieršych simptomaŭ depresii.
Novaja praca amierykanskich vučonych śviedčyć: tyja, chto pakutuje ŭ junactvie ad depresii, majuć vialikuju ryzyku zachvareć praz šmat hadoŭ na demiencyju.
Kab praanalizavać suviaź pamiž hetymi chvarobami, daśledčyki z Kalifarnijskaha ŭniviersiteta ŭ San-Francyska vyvučyli danyja bolš čym 15 tysiač čałaviek va ŭzroście ad 20 da 89 hadoŭ. Vyśvietliłasia, što tyja ź ich, chto va ŭzroście 20-30 hadoŭ mieli simptomy depresii, u stałym uzroście na 73% čaściej pakutavali ad vialikaha źnižeńnia intelektu, piša Daily Mail.
Pry hetym čym bolšymi byli simptomy depresii, tym bolš chutkim i hłybokim było paharšeńnie kahnityŭnych zdolnaściej.
Pry simptomach siaredniaj ci vysokaj stupieni ciažkaści razumovyja zdolnaści pačynali źnižacca praź dziesiać hadoŭ paśla źjaŭleńnia prykmiet depresii. Tyja respandenty, chto atrymaŭ depresiju ŭ bolš stałym uzroście, taksama mieli prykmiety depresii. Praŭda, u hetym vypadku jana sustrakałasia nie tak časta — tolki ŭ 43% vypadkaŭ.
Mahčyma, pryčyna suviazi pamiž depresijaj i demiencyjaj u tym, što depresija supravadžajecca vyrabam vialikaj kolkaści harmonaŭ stresu hlukakartykoidaŭ, jakija mohuć paškodzić zdolnaść arhanizma farmiravać novyja ŭspaminy.
Navukoŭcy ličać, što ŭ situacyi, kali depresija sustrakajecca davoli časta — naprykład, jaje majuć 20% amierykancaŭ — miedykam varta adsočvać u pacyjentaŭ prykmiety źnižeńnia intelektu. Patrebnyja dadatkovyja daśledavańni, kab paćvierdzić suviaź depresii i demiencyi, ale ŭžo jasna, što nie treba niedaaceńvać niebiaśpieku depresii.
Čytajcie taksama: Niekatorych vakcyn chapaje na ŭsio žyćcio. Voś čamu z kavidam nie tak
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym4
Kamientary