Ułady płanujuć karać parušalnikaŭ masačnaha režymu ŭ transparcie
Za adsutnaść maski ŭ hramadskim transparcie ŭ chutkim časie mohuć uvieści pakarańnie. Prynamsi, hetaje pytańnie prapracoŭvajecca, zajaviŭ namieśnik ministra — hałoŭny dziaržaŭny sanitarny lekar Biełarusi Alaksandr Tarasienka.
Žurnalistka zadała pytańnie z nahody hramadskaha transpartu — u im składana vykonvać sacyjalnuju dystancyju, a ŭ hadzinu pik — i paprostu niemahčyma.
— Litaralna na minułym tydni pravodzili pracoŭnuju sustreču z kiraŭnictvam Ministerstva transpartu i kamunikacyj. Nas turbuje toje stanovišča ŭ hramadskim transparcie. Heta adno z tych hramadskich miescaŭ, dzie možna zarazicca, — skazaŭ Tarasienka.
Jon taksama raspavioŭ, što prapracoŭvajecca pytańnie pryciahnieńnia da adkaznaści parušalnikaŭ masačnaha režymu.
— Naša nasielnictva, kali nie mietadam uhavoraŭ… nabližajecca momant, kali i mietadam administracyjnych spahnańniaŭ budziem karać za adsutnaść miedycynskich masak abo paviazak. Dystancyju ŭ transparcie vykanać składana, ale ŭ Mintransa na hety kont jość rekamiendacyi — ab pavieličeńni kratnaści maršrutaŭ u hadzinu pik, — skazaŭ hałoŭny sanitarny doktar.
Na žal, Alaksandr Tarasienka nie ŭdakładniŭ, ab jakich vidach administracyjnaha spahnańnia idzie havorka — ab papiaredžańni, štrafie abo aryšcie.
Nahadajem, u Biełarusi adkaznaść za zachavańnie masačnaha režymu ŭskładajecca na subjekty haspadarańnia. To-bok kali čałaviek biez maski zojdzie ŭ kramu, to štraf zapłacić administracyja kramy, a nie pakupnik. U hramadskim transparcie maski taksama abaviazkovyja, kiroŭca moža admović u absłuhoŭvańni pasažyru biez maski, ale da adkaznaści parušalnikaŭ masačnaha režymu ŭ transparcie pakul nie pryciahvali.
Ciapier čytajuć
«Napisali, jak ja chaču viarnucca ŭ śviatuju Rasiju». Prapahanda pierakruciła žart biełaruski i prydumała fejk pra zahnivajučuju Amieryku1
«Napisali, jak ja chaču viarnucca ŭ śviatuju Rasiju». Prapahanda pierakruciła žart biełaruski i prydumała fejk pra zahnivajučuju Amieryku
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Kamientary