Minčancy dali 30 sutak za ściah. Jana kaža, što jaho na akno paviesili milicyjanty
48-hadovuju Inu Dranicu zatrymali dniom 4 kastryčnika, kali jana vyjazdžała na mašynie sa dvara. Da jaje padyšli supracoŭniki HUBAZiKa i zajavili, što pryjechali da jaje pravodzić pieratrus.
Doma ŭ Iny kanfiskavali techniku. Akramia hetaha, u kvatery znajšli BČB-ściah, jaki pry paniatych unieśli ŭ pratakoł. Ale potym, pa słovach Dranicy, siłaviki adpuścili paniatych, razharnuli ściah i samastojna paviesili na akno, prylapiŭšy jaho skotčam, paviedamlajuć pravaabaroncy.
Ściah adrazu sfatahrafavali dla pratakoła pa administracyjnaj spravie. U Frunzienskim RUUSie, kudy žančynu pryvieźli tolki paśla dopytu ŭ HUBAZiKu, skłali pratakoł pa art. 24.23 KaAP za «niesankcyjanavanaje pikietavańnie».
Ina na sudzie adznačyła, što jaje susiedzi mohuć paćvierdzić, što ściah na aknie nikoli nie visieŭ. Ale sudździa Frunzienskaha rajona Taćciana Pałulech adchiliła chadajnictva advakatki ab vykliku susiedziaŭ na sud. Śviedka-milicyjant na sudzie raspavioŭ, što paniatyja pryjšli tolki paśla taho, jak milicyjanty źniali BČB-ściah z akna. Na pytańnie advakatki, čamu jany nie źniali pry paniatych, milicyjant adkazaŭ: «Ja nie razumieju, čym by heta dapamahło».
Sudździu ździvili pakazańni Dranicy nakont vyviešanaha milicyjantami ściaha, tamu Pałulech zapytałasia, dla čaho heta spatrebiłasia HUBAZiKu.
«Kab pakarać mianie za niazhodnaść», — adkazała Ina Dranica.
Vynikam suda staŭ 30-sutačny aryšt.
20 «analitykam Cichanoŭskaj» prysudzili hihanckija zavočnyja terminy. Bolš za ŭsich — Dabravolskamu8
20 «analitykam Cichanoŭskaj» prysudzili hihanckija zavočnyja terminy. Bolš za ŭsich — Dabravolskamu
«Moj kachany nie čytaje naviny, kali jany napisanyja pa-biełarusku». Darja Caryk stała na abaronu ruskaj movy i pryplała navat Paźniaka29
Rasijski vajskoviec płanavaŭ uzarvać budaŭničuju kramu ŭ Paryžy. Ale padarvaŭsia na ŭłasnaj vybuchoŭcy1
«Samy cymus»: historyk napisaŭ knihu pra toje, jak abaranki skaryli Amieryku, a draniki stali i jaŭrejskaj stravaj 12
Kamientary