Dyrektar «Rucha» vyjšaŭ sa składu vykankama BFF z-za sudziejstva ŭ matčy ź minskim «Dynama»
Takoje rašeńnie Alaksandr Zajcaŭ pryniaŭ paśla matča, u jakim kłub, u značnaj miery ŭkamplektavany hulcami bresckaha «Dynama» minułaha siezona, prajhraŭ minčanam ź likam 1:3.
Pra heta jon paviedamiŭ BFF u admysłovaj zajavie, paviedamlaje pres-słužba «Rucha». «Vidavočnaje i adkrytaje «zasudžvańnie» adnych kamand, kab dahadzić inšym, krasamoŭna kaža ab tym, što miescy ŭ čempijanacie vyznačajucca daloka nie pavodle spartyŭnaha pryncypu», — havorycca ŭ dakumiencie.
BATE, minskaje «Dynama» i «Ruch» majuć paśla 26 turaŭ 55, 54 i 51 punkt adpaviedna i pretendujuć na srebra čempijanatu. Taksama dobryja šancy na druhoje miesca ŭ «Homiela» — 49 bałaŭ, ale ŭ jaho jość hulnia ŭ zapasie.
Sam Zajcaŭ znachodzicca ŭ jeŭrapiejskich sankcyjnych śpisach.
Kamientary