«U Vašynhtonie pra Ihara havorać kožny dzień». Džuli Fišer patelefanavała Darji Łosik
Dypłamat zatelefanavała Darji ranicaj 20 kastryčnika. Za dzień da hetaha adbyłasia sustreča svajakoŭ palitviaźniaŭ z pradstaŭnikami ES, paviedamlaje Radyjo Svaboda.
Kansultant Radyjo Svaboda, palitźniavoleny Ihar Łosik znachodzicca za kratami z 25 červienia 2020 hoda. Sud u jaho spravie idzie ŭ homielskim SIZA ŭžo amal čatyry miesiacy. U aŭtorak, 19 kastryčnika, hrupa pradstaŭnikoŭ ES sustrełasia ź blizkimi palitviaźniaŭ, u tym liku z Darjaj Łosik.
«Učarašniaja sustreča prajšła z pradstaŭnikami ES, — raskazała Darja. — My abmiarkoŭvali, jak jany mohuć dapamahčy źniavolenym. Rodnyja niekatorych raskazvali svaje historyi. Proźviščaŭ ja nie mahu nazvać, nie ŭsie chacieli, kab pra ich viedali. U asnoŭnym kožny raskazvaŭ, što nas naściarožvaje na hety momant. Čaho my baimsia, čaho b my chacieli ad ES».
Darja Łosik apisvaje sustreču jak siabroŭskuju, davoli niefarmalnuju. Na joj taksama razmaŭlali pra toje, jak možna paŭpłyvać na situacyju z palitviaźniami, spryjać ich chutčejšamu vyzvaleńniu.
«Ja havaryła, što vielmi važna, kab imiony Ihara i inšych palitviaźniaŭ zhadvalisia jak maha čaściej, — raskazała Darja Łosik. — I što hałoŭnaje zaraz dla ŭsich — heta dastać ludziej z turmy. Ja taksama raskazała, u jakim stanie Ihar ciapier znachodzicca ŭ turmie. Pra sud ničoha nie zmahła paviedamić, bo ja ničoha pra jaho nie viedaju. Ź listoŭ, jakija dachodziać, ja baču, što ŭsio nie tak dobra. Jahony psichičny stan mianie na hety momant turbuje bolš za ŭsio. Pra heta ja raskazvała na sustrečy».
Ranicaj 20 kastryčnika Darji Łosik zatelefanavała ambasadarka ZŠA ŭ Biełarusi Džuli Fišer.
«Z Džuli Fišer my razmaŭlali kala 20 chvilinaŭ, — havoryć Darja. — Ja raskazała, što zaraz adbyvajecca ź Iharam. Jana paviedamiła mnie, što pra Ihara ŭ Vašynhtonie havorać praktyčna kožny dzień. I nichto ni ŭ jakim vypadku jaho nie zabyŭ. Lubymi sposabami buduć jamu dapamahać, samaje hałoŭnaje — dapamahčy viarnucca Iharu dadomu. Džuli taksama skazała, što my možam być na suviazi ŭ luby momant. Kali raptam niešta zdarycca, albo ja budu viedać pra toje, što ź Iharam niešta adbyvałasia, ja zaŭsiody mahu adrazu pra heta joj paviedamić».
Darja taksama havoryć, što była vielmi radaja telefanavańniu ad dypłamatki. Akurat napiaredadni jana atrymała adrazu piać listoŭ ad muža i zmahła raskazać pra stan Ihara bolš.
«Mnie było vielmi pryjemna, — kaža Darja Łosik. — Ja radaja, što pra Ihara časta zhadvajuć. Heta vielmi dobra».
Pra zaviaršeńnie pracesu ŭ spravie Ihara Łosika i inšych palitźniavolenych (jaho sudziać ź Mikałajem Statkievičam, Siarhiejem Cichanoŭskim dy inšymi), jakich sudziać razam ź im, ničoha nie viadoma. Pavodle nieaficyjnaj infarmacyi, prysud moža być ahučany ŭžo da kanca miesiaca. Na pačatku listapada spoŭnicca roŭna 500 dzion, jak Ihar Łosik znachodzicca ŭ niavoli.
«Turma daje razumieńnie, na što na svabodzie varta vydatkoŭvać čas». Andrej Skurko ź SIZA — pra Markiesa, Tanka i čabor
-
Što viadoma pra źniavolenych u Biełarusi hramadzian Ukrainy, jakija siońnia niečakana zdabyli volu?
-
Łukašenka nie pavieryŭ Ryžankovu. Piatkievič vyhladaje procivahaj Krutomu. A Kruty — vialikaja zahadka
-
«Ukraina Biełarusi nie pahražaje, my vymušanyja abaraniacca». Ukrainskaja pamiežnaja słužba adkazała biełaruskaj
Kamientary