U adnym z rehijonaŭ Rasii ŭviali kamiendanckuju hadzinu na čas niepracoŭnych dzion
U Chakasii (Uschodniaja Sibir) u pieryjad niepracoŭnych dzion, jakija byli ŭviedzienyja praz abvastreńnie situacyi z karanavirusam, uviaduć kamiendanckuju hadzinu.
Takim čynam, Chakasija stała pieršym z rasijskich rehijonaŭ, dzie ŭłady pajšli na ŭviadzieńnie kamiendanckaj hadziny.
Z 28 kastryčnika pa 7 listapada žycharam Chakasii budzie zabaroniena vychodzić z domu z 22:00 da 06:00. Vyklučeńni — kupla praduktaŭ, vyhuł sabak, vychad pa miedycynskuju dapamohu. Dla ludziej starejšych za 60 hadoŭ uvodzicca samaizalacyja, piša meduza.io.
Taksama ŭ pieryjad niepracoŭnych dzion u Chakasii abmiažujuć pracu ŭstanoŭ hramadskaha charčavańnia i handlu, u adukacyjnych ustanovach abvieściać kanikuły. Pracadaŭcy, jakija nie mohuć prypynić pracu, pavinny pieravieści na dystancyjnaje nie mienš za pałovu supracoŭnikaŭ.
U troch haradach Chakasii: Abakanie, Sajanahorsku i Čarnahorsku — budzie prypynienaja praca hramadskaha transpartu. Taksisty tam zmohuć pracavać pry najaŭnaści siertyfikata ab vakcynacyi abo pieraniesienym karanavirusie.
Kamientary