KDK vyjaviŭ 5 kryptavalutčykaŭ, jakich abvinavačvaje ŭ finansavańni pratestaŭ
Pavodle infarmacyi pres-słužby KDK, dziejnaść žycharoŭ Minska i Jeŭrasajuza pa abmienie kryptavalut była vyjaŭlenaja i spynienaja Departamientam finansavych rasśledavańniaŭ.
Śćviardžajecca, što jany vykarystoŭvali śpiecyjalna stvorany resurs, praź jaki kuplałasia i pradavałasia kryptavaluta, a raźlik za jaje pravodziŭsia pieravažna najaŭnymi. Taksama ŭ pres-relizie havorycca, što rabota ŭ abmieńniku viałasia ananimna i była zapatrabavanaja «biełaruskimi subjektami cieniavoj ekanomiki».
U KDK zajaŭlajuć, što takim čynam u minułym i biahučym hodzie z-za miažy na pastajannaj asnovie pieravodzilisia hrošy fondam, pravaabarončym centram i NKA, jakija nibyta padtrymlivali pratesty.
Paviedamlajecca, što ŭdzielniki «padazronych pieravodaŭ» byli vyznačanyja.
Pa faktach uchileńnia ad vypłaty padatkaŭ u dačynieńni da piaci hramadzian Biełarusi zaviedzienaja kryminalnaja sprava. Pryčynienuju dziaržavie škodu aceńvajuć u bolš čym 8 młn rubloŭ.
Dvoje ź fihurantaŭ, u tym liku i arhanizatar, pavodle infarmacyi KDK, pražyvajuć u krainach Jeŭrasajuza (Polščy i Estonii). U dačynieńni da traich fihurantaŭ, jakija znachodziacca na terytoryi Biełarusi, abranaja miera strymańnia ŭ vyhladzie zaklučeńnia pad vartu.
U ich kanfiskavali bolš za 200 tysiač dalaraŭ i 65 tysiač jeŭra, na raźlikovych rachunkach u bankach, u tym liku zamiežnych, zabłakavali srodki na sumu bolš za 370 tysiač dalaraŭ. Nakładzieny aryšt na majomaść i transpartnyja srodki.
Śćviardžajecca, što hramadzianie, fondy i arhanizacyi, jakija atrymlivali hrošy praz kryptaabmieńnik, taksama vyznačany.
Kamientary