Deputat Savinych paćvierdziŭ: Turfirmy sumiesna z MZS vydajuć biełaruskija vizy ludziam, jakija paśla pierachodziać miažu ź ES
Žurnalisty «Minsk-Navin» źviarnulisia da staršyni kamisii pa mižnarodnych spravach Andreja Savinych z prośbaj prakamientavać skarhi čytačoŭ na mihrantaŭ, jakija zapałanili minskija haścinicy i navat śpiać u pierachodach.
— Heta nie mihranty, a turysty, jakija prybyli ŭ Biełaruś pa turystyčnych vizach. <…> Ministerstva zamiežnych spraŭ pravodzić vielmi surjoznuju sielekcyju i vydaje vizy tolki pa zaprašeńniach ad kankretnych turystyčnych firm. Jany funkcyjanujuć u Biełarusi, dajuć poŭny pakiet pasłuh i majuć adpaviednuju rehistracyju, — patłumačyŭ Savinych.
Pavodle jaho słoŭ, častka hetych ludziej paśla vyrašaje pierajści miažu ź Jeŭrasajuzam.
— Voś heta ŭžo možna kvalifikavać jak parušeńnie zakona i nielehalnyja dziejańni. Ale da taho momantu hetyja hramadzianie znachodziacca na terytoryi Biełarusi całkam lehalna, — zapeŭnivaje deputat.
Savinych śćviardžaje, što ŭ Biełarusi zatrymali 15 čałaviek, jakija zajmalisia niezakonnaj pierapraŭkaj mihrantaŭ za miažu. Ale siarod ich niama hramadzian RB.
— Jany ŭbačyli, što miaža pamiž Litvoj i Biełaruśsiu drenna achoŭvajecca, i pačali vykarystoŭvać heta ŭ svaich metach. I tut my zrabić ničoha nie možam. Kali nam udajecca zatrymać parušalnikaŭ na padychodzie da miažy, my adpraŭlajem ich nazad. Ale mnohija prasočvajucca, pakolki stopracentnaja achova rubiažoŭ patrabuje vielmi surjoznych mier i ŭkładańniaŭ.
Savinych abvinavačvaje zachodnija krainy ŭ tym, što jany źbivajuć i vypichvajuć mihrantaŭ na terytoryju Biełarusi. Ale Biełaruś nibyta nie moža pryniać hetych ludziej, pakolki pieravažnaja bolšaść ź ich užo vykinuła dakumienty.
Pa sutnaści, heta pieršy vypadak, kali biełaruski čynoŭnik paćvierdziŭ, što mihranty, jakija tysiačami šturmujuć uschodniuju hranicu Jeŭrasajuza, prybyvajuć u Biełaruś lehalna i atrymlivajuć tut turystyčnyja vizy. Kali pamiežnyja słužby Polščy, Litvy i Łatvii štodnia dajuć spravazdačy, kolki mihrantaŭ było zatrymana, to Biełaruś nie daje statystyki, kolki mihrantaŭ zatrymali pry sprobie niezakonna pierajści miažu. Nieadnarazova publikavalisia videa, na jakich bačna, jak biełaruskija pamiežniki nijak nie reahujuć na ludziej i navat dapamahajuć im trapić u Jeŭrasajuz.
-
«Baimsia, što jaje nie vypuściać ź Biełarusi». Baćki minskich padletkaŭ raskazali, jak škoły kantralujuć płany pastupleńnia ich dziaciej
-
«Čałaviek, zaniaty lubimaj spravaj, nie stareje». Biełarus robić u Polščy rycarskija daśpiechi pa 15 tysiač jeŭra
-
«Zachvareŭ? Idzi ŭ chram». Andrej Lemiašonak raskazaŭ, jak zaražaŭ ludziej na Vialikdzień 2020 hoda
Ciapier čytajuć
U Połk Kalinoŭskaha na tydzień pralez milicejski stukač. Ciapier jaho vykryli, i dobra vidać, chto sprabuje abialić ahienta10
Kamientary