Ciapier spartoŭki mohuć hulać u karotkich topach i šortach zamiest bikini.
Mižnarodnaja fiederacyja handboła źmianiła svaje praviły pa ŭniformie, abaviazkovaj dla kamand u žanočym plažnym handbole. Ciapier zamiest trusoŭ bikini i karotkich topaŭ handbalistki mohuć vychodzić na placoŭku ŭ karotkich šortach i majkach sa šlejkami. Fiederacyja dazvoliła spartoŭkam bolš zakrytuju formu ŭ adkaz na abvinavačvańni ŭ seksiźmie, jakija jana atrymlivała apošni čas.
U lipieni Jeŭrapiejskaja fiederacyja handboła prysudziła narviežskaj kamandzie pa plažnym handbole štraf u 1500 jeŭra za «nieadpaviednaje adzieńnie». Padčas čempijanatu Jeŭropy spartoŭki vyjšli na placoŭku nie ŭ trusach bikini, a ŭ šortach nakštałt tych, što nasili mužčyny-handbalisty, tłumačyć Guardian.
Pakarańnie narviežak vyklikała abureńnie siarod hramadskich aktyvistaŭ. Toje, što handbalistki pavinny vystupać u bolš adkrytaj formie, čym handbalisty, paličyli prajavaj seksizmu.
Amierykanskaja pop-zorka Pink u svaim tvitary vyraziła honar učynkam narviežak i prapanavała zapłacić za ich štraf. Narviežski ministr sportu i kultury Abid Radža nazvaŭ praviły ŭniformy ŭ plažnym handbole «absalutna nierazumnymi», a žanočyja spartovyja asacyjacyi z usiaho kantynienta zaklikali da zvalnieńnia kiraŭnictvaŭ mižnarodnaj i jeŭrapiejskaj handbolnych fiederacyj.
Narviežska-aŭstralijskaja aktyvistka Talita Stoŭn stvaryła pietycyju z zaklikam źmianić praviły žanočaj uniformy ŭ plažnym handbole. Joj udałosia sabrać 61 tysiaču podpisaŭ.
U minułym miesiacy ministry sportu Danii, Narviehii, Šviecyi, Isłandyi i Finlandyi napisali ŭ Mižnarodnuju fiederacyju handboła sumiesny list z prośbaj abnavić sastarełyja praviły ŭniformy.
Ciapier handbalistki mohuć hulać u karotkich ščylnych šortach, što buduć ciesna prylahać da cieła.
Aktyvistka Talita Stoŭn padtrymała ciapierašniaje rašeńnie fiederacyi i vyraziła spadziavańnie, što jano stanie pačatkam kanca seksizmu i abjektyvacyi žančyn i dziaŭčat u sporcie.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym3
Kamientary