Spadarožnikavyja zdymki pakazvajuć, što Rasija naroščvaje svaje vojski kala Biełarusi i Ukrainy
Zhodna sa zroblenymi ŭ paniadziełak zdymkami, rasijskaja armija naroščvaje kolkaść vojskaŭ i vajennaj techniki na miežach ź Biełaruśsiu i Ukrainaj. Heta adbyvajecca na fonie ŭzmacnieńnia napružvańnia pamiž Maskvoj i Zachadam.
Spadarožnikavyja zdymki, pra jakija idzie havorka, byli zroblenyja kampanijaj kaśmičnych technałohij Maxar Technologies. Na ich možna bačyć naroščvańnie kolkaści braniatankavych čaściej, tankaŭ, samachodnaj artyleryi i naziemnych vojskaŭ kala rasijskaha horada Jelnia, što znachodzicca niedaloka ad biełaruskaj miažy. Zdymki publikuje vydańnie Politico.
Pa infarmacyi vydańnia, vojski, što znachodziacca pad Jelniaj, pačali pieramiaščacca tudy ŭ kancy vieraśnia ź inšych rehijonaŭ Rasii, dzie jany zvyčajna bazirujucca. Jany ŭklučajuć u siabie čaści 1-j hvardziejskaj tankavaj armii, jakaja ličycca elitnaj.
Analityki kažuć, što hetaja armija zvyčajna pieršaj atrymlivaje samuju sučasnuju techniku, a taksama ličycca asnoŭnym vajskovym złučeńniem, na jakim teścirujuć novuju techniku i taktyki.
Zvyčajna 1-ja hvardziejskaja tankavaja armija pravodzić svaju padrychtoŭku pad Maskvoj, tamu toje, što ciapier jana znachodzicca pad Jelniaj, — jaŭnaje adchileńnie ad standartnaj praktyki.
Taksama ekśpierty zafiksavali pieramiaščeńnie techniki, što naležyć 4-j tankavaj dyvizii rasijskaj armii, u rajony Branska i Kurska, to-bok bližej da ŭkrainskaj miažy.
Naroščvańnie techniki adbyvajecca na fonie rostu napružvańnia pamiž Maskvoj i Zachadam. Uładzimir Pucin byŭ niezadavoleny aktyvizacyjaj namahańniaŭ pa ŭstupleńni Ukrainy i Hruzii ŭ NATA. Rasijskamu lidaru taksama nie spadabałasia, što amierykanski ministr abarony Łojd Ościn naviedaŭ u kastryčniku Kijeŭ i Tbilisi.
Kamientary