Ukraina całkam kantraluje situacyju na svajoj miažy ź Biełaruśsiu. Zaraz pamiežniki ŭzmacniajuć abaronu i hatovyja da mahčymych pravakacyj.
Pra heta ŭ kamientary RBK-Ukraina skazaŭ pieršy namieśnik ministra ŭnutranych spraŭ Ukrainy Jaŭhien Jenin.
«Situacyja na miažy całkam kantralujecca. Susiedzi pavinny ŭśviedamlać, što ŭkrainskija miažy padrychtavanyja da padobnych pravakacyj. Užo praličanyja vierahodnyja napramki, jakimi mohuć dabracca da Ukrainie mihranty», — raspavioŭ jon.
Jenin adznačyŭ, što ciapier na ŭčastku ŭkrainska-biełaruskaj miažy pravodzicca ŭzmacnieńnie sił i srodkaŭ, kab strymać patok mihrantaŭ u vypadku nieabchodnaści.
«Prymajucca miery pa inžyniernym uładkavańni ŭčastka dziaržaŭnaj miažy Ukrainy ź Biełaruśsiu. Orhany achovy ŭzmocniacca kolkasnym składam, technikaj i admysłovymi srodkami, u tym liku bieśpiłotnikami, i słužbovymi sabakami», — paviedamiŭ pradstaŭnik MUS.
Stała viadoma pra śmierć 22-hadovaha chłopca, jakoha asudzili pa palityčnaj kryminałcy2
Kamientary