Niamieččyna patrabuje jak maha chutčejšych sankcyj suprać aficyjnaha Minska
Bierlin padtrymlivaje ŭviadzieńnie novych sankcyj ES suprać aficyjnaha Minska z pryčyny abvastreńnia prablemy z mihrantami na miažy Biełarusi z Polščaj i krainami Bałtyi, zajaviŭ ministr zamiežnych spraŭ Niamieččyny Chajka Maas.
«My budziem karać usich tych, chto ŭdzielničaje ŭ metanakiravanym niezakonnym uvozie mihrantaŭ», — havorycca ŭ zajavie Maasa.
«Łukašenka pavinien zrazumieć, što jahonyja raźliki nie pracujuć», — skazaŭ kiraŭnik MZS Niamieččyny, dadaŭšy, što EC budzie pracavać nad «praciahnieńniem i ŭzmacnieńniem sankcyj».
Pavodle jaho, biełaruskaje kiraŭnictva «raskručvaje niebiaśpiečnuju śpiral eskałacyi, ź jakoj niama vychadu», akazvaje cisk na krainy ES, u pieršuju čarhu na Polšču i Litvu, pry hetym «biessaromna ekspłuatujučy» mihrantaŭ.
Maas taksama zajaviŭ, što ES taksama hatovy dziejničać suprać inšych krain i avijakampanij, jakija ŭdzielničajuć u tranzicie mihrantaŭ.
Stała viadoma pra śmierć 22-hadovaha chłopca, jakoha asudzili pa palityčnaj kryminałcy2
Kamientary