Na pamiežnym pierachodzie kala Bruzhoŭ sabralisia sotni mihrantaŭ, jany čakajuć, što ich prapuściać u ES. ANŁAJN
Na vośmy dzień mihracyjnaha kryzisu na biełaruska-polskaj miažy situacyja abvastryłasia. Niečakana mihranty sabrali svaje rečy i rušyli ŭ bok pamiežnaha punkta. Z polskaha boku ich sustrakaje kalučy drot, vadamiot i siłaviki. Biełaruskija pamiežniki mihrantam nie pieraškadžajuć.
23:27
Uviečary polskija vajskoŭcy ŭmacavali mietaličnymi listami zaharodu na pamiežnym pierachodzie Bruzhi — Kuźnica.
18:38. U Bruzhach ściamnieła. Pakul uvieś vynik siońniašnich padziej ‒ namiotavy łahier ź lesu pieramiaściŭsia na punkt propusku.
17:45. Biełaruskija siłaviki sočać za tym, kab ludzi, adcisnutyja imi na pamiežny pierachod, nie mahli adstupić uhłyb Biełarusi. Takuju mahčymaść nie pradastaŭlajuć navat tym, chto choča viarnucca ŭ Minsk i palacieć u svaju krainu. Pra heta paviedamlajuć polskija pamiežniki.
17:30. Dziaržaŭny pamiežny kamitet zapeŭnivaje, što sa žniŭnia ŭ Biełaruś nie ŭpuścili kala 8 tysiač patencyjnych mihrantaŭ. Jašče kala 5 tysiač zamiežnikaŭ, jakija za hety pieryjad zajechali ŭ Biełaruś na zakonnych padstavach, u vyniku prafiłaktyčnych mierapryjemstvaŭ pa niedapuščeńni parušeńnia mihracyjnaha zakanadaŭstva, pakinuli biełaruskuju terytoryju.
17:15. Takim pierachod Bruzhi biełaruskija pamiežniki jašče nie bačyli.
17:10. Niezrazumieła, jaki budzie dalejšy scenar padziej. Polskaja palicyja piša, što jana znachodzicca ŭ poŭnaj hatoŭnaści.
16:00. U 3,5 tysiačy čałaviek aceńvaje polskaja palicyja kolkaść mihrantaŭ na pamiežnym pierachodzie.
Taksama jany apublikavali fota BTR — mierkavanaha «kamandnaha punkta» na biełaruskim baku, jaki kaardynuje dziejnaść mihrantaŭ.
15:48. Namiotavy łahier dakładna pierasialiŭsia na pamiežny pierachod. Bruzhi i Kuźnicu zavałakło dymam.
15:10. Polski bok adznačaje pavieličeńnie kolkaści biełaruskich siłavikoŭ u rajonie Bruzhoŭ. «Heta kantralujemaja Biełaruśsiu eskałacyja padziej na miažy z Polskaj Respublikaj», ‒ napisaŭ u tvitary pres-sakratar ministra-kaardynatara śpiecsłužbaŭ Stanisłaŭ Žaryn.
W okolicy przejścia w Kuźnicy gromadzą się kolejne oddziały białoruskie.
To kontrolowana przez Białoruś eskalacja wydarzeń na granicy z Polską. pic.twitter.com/bTeqKsCydA
15:00. Mihranty staviać namioty, raskładajuć spalniki. Niekatoryja pobač z punktam propusku raźviali vohnišča.
14:37. Padobna na toje, što na pamiežnym pierachodzie mihranty vyrašyli raźbić novy łahier. Biełaruskija pamiežniki pakul nie suprać.
14:27. Polskija pamiežniki praź miehafony na ruskaj movie źviarnulisia da biełaruskich aficyjnych asobaŭ i siłavikoŭ:
«Ništo nie apraŭdaje taho, što pakutujuć žančyny i dzieci. Dazvolcie im adsiul syjści! Susiedzi! Biełarusy! Vielmi vas prosim: apamiatajciesia! Niaŭžo vy paśla ŭsiaho hetaha zmožacie pahladzieć u vočy svaim žonkam i dzieciam?»
14:15. Polskija pamiežniki praz hukaŭzmacnialniki tłumačać mihrantam, što ich nie puściać, što biełaruskija ŭłady ich padmanuli. Nad ludźmi lotaje viertalot.
13:57. DPK Biełarusi śćviardžaje, što siońnia mihranty samaarhanizavalisia i pajšli kałonaj na pahranpierachod. Jak heta mahčyma z ulikam kantrolu łahieru ŭzbrojenymi ludźmi, viedamstva nie tłumačyć.
Od rana na przejściu granicznym w Kuźnicy po str. białoruskiej gromadzą się nielegalni imigranci. Dołączają do nich kolejne grupy, które do tej pory koczowały przy granicy.Przygotowywana jest próba siłowego forsowania granicy.Wszystko odbywa się pod nadzorem białoruskich służb. pic.twitter.com/6UZgZZaSgS
13:17. Na anłajn-kamiery ŭ Bruzhach bačna, što mihranty raźmiaścilisia pierad šerahami polskich palicejskich.
Pamiž kadrami — 15 chvilin. Bačna, što ź biełaruskaha boku prybrali kalučy drot, kab mihranty mahli raŭnamierna raśsiaredzicca pierad šerahami polskich palicejskich.
13:14. Minabarony Polščy śćviardžaje, što ludzi ŭ žyletkach «Presa» prymušajuć mihrantaŭ, u asnoŭnym žančyn i dziaciej, padychodzić da zaharody, kab śniać ich.
12:52. Biełaruskija siłaviki sa zbrojaj nijak nie reahujuć na ruch mihrantaŭ na pamiežnym pierachodzie.
12:40. Paśla ranišnich paviedamleńniaŭ, što mihranty źbirajuć rečy, Biełta publikuje videa, jak vialikaja hrupa mihrantaŭ rušyła pa pamiežnaha pierachoda. Hetamu papiaredničali ananimnyja paviedamleńni, nibyta 15 listapada palaki adkryjuć miažu. Polski bok źniapraŭdžvaŭ hetu infarmacyju.
***
Rankam 8 listapada kałona mihrantaŭ pryjšła na punkt propuska «Bruzhi», što na biełaruska-polskaj miažy. Ich kolkaść aceńvałasia ŭ 2000 čałaviek. Biełaruskija siłaviki adcisnuli mihrantaŭ u les.
U Dziaržpahrankamitecie Biełarusi zajavili, što heta biežancy, jakija chočuć atrymać prytułak u JeC, i Minsk nie budzie pieraškadžać tamu, što jany pakinuć krainu. U Polščy, u svaju čarhu, abvinavacili ŭłady Biełarusi ŭ pravakacyi, zajaviŭšy, što vialikija hrupy mihrantaŭ znachodziacca pad poŭnym kantrolem biełaruskich śpiecsłužbaŭ i armii.
12 tysiač polskich vajskoŭcaŭ na miažy ź Biełaruśsiu byli pryviedzieny ŭ bajavuju hatoŭnaść. Litva nakiroŭvała dadatkovyja siły da biełaruskaj i polskaj miežaŭ.
Polšča zakryła ruch praz pamiežny pierachod u Kuźnicy z 7:00 9 listapada.
Na miažy dziejničaje nadzvyčajnaje stanovišča.
ES abvieściła, što ŭviadzie sankcyi suprać avijakampanij i asobaŭ, što datyčnyja da pieravozki mihrantaŭ.
Jakija biełaruskija zakony parušajuć mihranty ŭ pamiežnaj zonie? Raźbirajemsia
-
«Vialiki absalutna čałaviek». Kola Łukašenka raskazaŭ, što dla jaho baćka i ŭ čym jahonaja apazicyjnaść
-
Biełarus Arciom zapuściŭ u Polščy zbor na dapamohu sabie. Mnohija pavieryli, a jon akazaŭsia machlarom
-
U minskich handlovych centrach i kaviarniach ciapier nie buduć uklučać suśvietnyja navahodnija chity. Zatoje dajuć zarabić praŭładnym artystam
«Vialiki absalutna čałaviek». Kola Łukašenka raskazaŭ, što dla jaho baćka i ŭ čym jahonaja apazicyjnaść5
Kamientary