ES admaŭlajecca kanviertavać 923 miljony dalaraŭ, vydzielenyja Biełarusi MVF
Biełaruskija ŭłady nie zmohuć kanviertavać u jeŭra svaje śpiecyjalnyja srodki zapazyčańnia (SDR) u pamiery 923 miljonaŭ dalaraŭ, vydzielenyja MVF u žniŭni hetaha hoda, piša ej.by.
Ab hetym zajaviŭ viarchoŭny pradstaŭnik ES pa źniešniaj palitycy i biaśpiecy Žazep Barel u svaim liście.
Nahadajem, što ŭ žniŭni 2021 hoda MVF było pryniata rašeńnie ab raźmierkavańni śpiecyjalnych pravoŭ zapazyčańnia (SDR) siarod krain — udzielnic Mižnarodnaha valutnaha fondu. Pavodle jaho krainy — udzielnicy MVF atrymali bolš za 650 miljardaŭ dalaraŭ. Biełarusi taksama dastałasia 923 młn.dalaraŭ.
Adnak SDR — heta nie žyvyja hrošy, a reziervovy aktyŭ. Jany pa zmaŭčańni zaličvajucca ŭ zołatavalutnyja reziervy krainy. SDR možna vykarystoŭvać u mižkrainavych raźlikach abo dla mižnacyjanalnych ździełak na ŭzroŭni krain. Viadoma, kali kontrahient budzie zhodny. Taksama SDR možna kanviertavać ŭ inšuju, bolš ćviorduju valutu.
Pryniataje MVF rašeńnie padvierhnułasia mocnaj krytyki siarod biełaruskaj apazicyi, choć užo tady vykazvałasia mierkavańnie, što Minsku budzie vielmi ciažka skarystacca vyłučanymi srodkami SDR u suviazi z nakładzienymi ZŠA i Jeŭrasajuzam finansavymi sankcyjami.
Siońnia stała viadoma, što heta mierkavańnie mieła pad saboj usie padstavy.
Viarchoŭny pradstaŭnik ES pa źniešniaj palitycy i biaśpiecy Žazep Barel u svaim adkazie na zvarot napisaŭ, što ES nie dapuścić abmienu SDR, vydzielenyja MVF Biełarusi na jeŭra ni ŭ adnym centralnym banku krain Jeŭrasajuza.
Na dumku Barela padstavaj dla błakavańnia takoha abmienu vystupaje toj fakt, što heta budzie źjaŭlacca parušeńniem ustanoŭlenaj zabarony na akazańnie inviestycyjnych pasłuh aficyjnamu Minsku, rehłamientavanaha sankcyjami ES.
U abhruntavańnie viarchoŭny pradstaŭnik ES pa źniešniaj palitycy i biaśpiecy spasłaŭsia na p. 16 rezalucyi Jeŭraparłamienta pa Biełarusi, jakaja zaklikaje « dziaržavy-členy kaardynavać svaje dziejańni ź mižnarodnymi partniorami ŭ šmatbakovych arhanizacyjach, takich jak MVF, kab abmiežavać vydzialeńnie srodkaŭ Biełarusi i zamarozić luboje supracoŭnictva ź joj».
Kamientary