Staličnaja milicyja pierakryła bujny kanał pastaŭki psichatropnych rečyvaŭ z‑za miažy. Kanfiskavana bolš za 1 kh psichatropnych rečyvaŭ. Pra heta paviedamlaje pres‑słužba HUUS Minharvykankamu.
Padčas śpiecapieracyi byŭ zatrymany 26‑hadovy, raniej sudzimy za kradziež, minčuk. Jon zachoŭvaŭ u svajoj mašynie z metaj zbytu 120 hramaŭ amfietamina i 10 hramaŭ kakaina.
U lesie na 46‑m kiłamietry darohi Minsk‑Viciebsk było znojdziena i kanfiskavana 155 hramaŭ amfietaminu i 22 hrama kakainu, jakija naležali zatrymanamu.
Rečyva było zapakavanaje i zakapanaje ŭ ziamli.
U chodzie dalejšaj apieracyj u lesie na terytoryi Lidskaha rajona byŭ zatrymany 40‑hadovy hramadzianin adnoj z bałtyjskich krainaŭ, jaki ŭvioz na terytoryju našaj krainy 1 kiłahram mietamfietaminu.
U dačynieńni da abodvuch zatrymanych zaviedziena kryminalnaja sprva pa č.3 art.328 KK «Niezakonny abarot psichatropnych rečyvaŭ» (ad 8 da 13 hadoŭ pazbaŭleńnia svabody).
Jak adzanačajuć apieratyŭniki, u chodzie hetaj śpiecapieracyi byŭ pierakryty arhanizavany kanał pastaŭki psichatropnych i narkatyčnych rečyvaŭ na terytoryju Biełarusi. Vyjaŭlenaja partyja źjaŭlajecca samaj bujnoj partyjaj, kanfiskavanaj z pačatku hetaha hodu staličnymi milicyjantami.
Kamientary