Prakuratura Pieru znajšła 20 000 dalaraŭ ZŠA ŭ vannym pakoi prezidenckaha pałaca. U piatnicu prakuratura abšukała pałac u ramkach rasśledavańnia abvinavačvańniaŭ u «handli ŭpłyvam» z boku čynoŭnikaŭ.
Bruna Pačeka, jaki ŭ piatnicu padaŭ u adstaŭku z pasady kiraŭnika Administracyi prezidenta Pedra Kaścilja, skazaŭ śledstvu, što hrošy naležać jamu, ale admaŭlaŭ lubyja pravaparušeńni, paviedamlaje Bi-bi-si.
Pavodle jaho słoŭ, «zanačka» składałasia ź jaho źbieražeńniaŭ i zarpłaty. Štomiesiačnaja zarpłata Pačeka da adstaŭki składała 25 000 solaŭ (6 250 dalaraŭ ZŠA).
Jon nie skazaŭ śledčym, čamu trymaŭ takuju sumu hrošaj u vannym pakoi svajho ofisa.
Prezident Pieru Pedra Kaścilja pryjšoŭ da ŭłady ŭ lipieni hetaha hoda paśla napružanych vybaraŭ, jakija padzialili krainu napałovu.
Jon były nastaŭnik i prafsajuzny aktyvist, jaki vyznaje levyja pohlady adnosna ekanomiki i źniešniaj palityki, u toj ža čas vystupaje suprać adnapołych šlubaŭ i abortaŭ. Jaho nazyvajuć pieršym «biednym prezidentam» krainy.
Pieratrus u prezidenckim pałacy staŭ častkaj rasśledavańnia abvinavačvańniaŭ u tym, što Pačeka cisnuŭ na kiraŭnika padatkovaha i mytnaha ahienctva Pieru, kab jon daŭ niekatorym kampanijam, jakimi kirujuć jaho siabry, bolš vyhadnyja ŭmovy.
Pačeka admaŭlaje abvinavačvańni.
Jon taksama nastojvaŭ na tym, što jaho adstaŭka nie była źviazanaja z hetym. «Ja idu z vysoka padniataj hałavoj i z upeŭnienaściu, što dakažu svaju nievinavataść», - napisaŭ jon u zajavie.
«Hałoŭnaje — heta vopyt!» Łukašenka nazvaŭ, kaho bačyć nastupnym prezidentam17
Kamientary