Premjer‑ministr Biełarusi Siarhiej Sidorski padvierh rezkaj krytycy budaŭničuju halinu, jakaja mieła stać łakamatyvam, jaki vyciahnie ekanomiku z kryzisu, dziakujučy ščodrym dziaržaŭnym datacyjam.
Premjer‑ministr Biełarusi Siarhiej Sidorski padvierh rezkaj krytycy budaŭničuju halinu, jakaja mieła stać łakamatyvam, jaki vyciahnie ekanomiku z kryzisu, dziakujučy ščodrym dziaržaŭnym datacyjam.
«Dzie praca ŭ dźvie‑try źmieny? U Minsku pracujuć u try źmieny? U čym pryčyna takoha pravału?» — hrymieŭ Siarhiej Sidorski 28 lipienia na pasiadžeńni Savieta ministraŭ..
Jon asabliva padkreśliŭ nievykanańnie płanaŭ budaŭnictva ŭ stalicy. «My ŭsio dali: hrošy Minsku dali, budmateryjały jość, piersanał taksama. Jakija jašče prablemy treba rašyć dla Minska?» — zadaŭ pytańnie kiraŭnik uradu.
Premjer‑ministr źviarnuŭ uvahu na niezadavalniajučyja tempy razhruzki składoŭ pradpryjemstvaŭ Minbudarchitektury. Nieabchodna dasiahnuć narmatyvu składskich zapasaŭ nie bolš za 20%.
«Budmateryjały treba pradavać na kožnym vuhłu: z mašyn pradavać, zavozić tym, chto buduje, vydavać kredyty, aktyŭna vydzialać učastki pad budaŭnictva.
Tolki tady ŭsio raźbiaruć i pryniasuć hrošy ŭ bank», — pierakanany premjer.
Siarhiej Sidorski taksama spyniŭsia na nizkich abjomach źniešniaha handlu i ekspartu budaŭničych pasłuh.
«Dzie i ŭ jakich tenderach na budaŭnictva za miažoj vy ŭdzielničajecie? Što nie idzie, dzie moža dapamahčy ŭrad?» — spytaŭ jon.
«U try źmieny nie pracujem, składy nie razhružajucca, nadzieły nie narezanyja, ludziam, chto choča budavacca, budmateryjały nichto nie zavozić. Voś hetyja pytańni treba vyrašyć», — rieziumavaŭ biełaruski premjer.
«My vyznačyli, što budaŭničaja halina — łakamatyŭ ekanomiki, jaki pavinien ciahnuć usie haliny. Tady budzie realizavany i mietał, i truby, i bieton, i cemient», — dadaŭ kiraŭnik uradu. U toj ža čas u budaŭničaj halinie zroblena šmat, ale płanavałasia jašče bolej.
«Hałoŭnaje — heta vopyt!» Łukašenka nazvaŭ, kaho bačyć nastupnym prezidentam23
Kamientary