Litva ŭ try razy pavialičyć vypłatu mihrantam, jakija dobraachvotna pahodziacca viarnucca na radzimu
Ministr unutranych spraŭ Litvy Ahnie Biłatajcie pavialičyła ŭ try razy vypłatu mihrantam, jakija dobraachvotna vyrašajuć viarnucca na radzimu. Jana składzie 1000 jeŭra, paviedamiła ministerstva ŭ sieradu, piša Delfi.lt.
«Viartańnie mihrantaŭ u krainy pachodžańnia źjaŭlajecca składanym i doŭhim pracesam. Utrymańnie adnaho mihranta abychodzicca Litvie ŭ hod u 11 tys. jeŭra — heta nasamreč vialiki ciažar dla dziaržavy. My šukajem sposaby, jak zaachvocić da viartańnia i spadziajemsia, što pavyšeńnie vypłaty pavysić kolkaść tych, chto vyrašyŭ viarnucca», — skazała Biłatajcie.
Ministerstva adznačaje, što asnoŭnaja častka hetych vypłat budzie finansavacca za košt srodkaŭ, pradastaŭlenych Litvie Jeŭrakamisijaj na baraćbu ź mihracyjnym kryzisam.
Pavodle infarmacyi MUS, Departamient mihracyi zaviaršyŭ razhlad prašeńniaŭ ab prytułku mihrantaŭ, jakija niezakonna trapili ŭ Litvu ź Biełarusi. Jany byli zarehistravanyja letam i ŭ vieraśni.
Z 3272 zajaŭ prytułak pradastaŭleny 54 zamiežnikam — astatnich čakaje vysyłka z krainy.
Prytułak dadzieny hramadzianam Siryi, Jemiena, Iraka, Erytrei, Afhanistana. Jany atrymajuć dazvoł na žycharstva ŭ Litvie i buduć udzielničać u prahramie intehracyi.
Piać faktaŭ pra Natallu Piatkievič — samuju ŭpłyvovuju čynoŭnicu Biełarusi da źjaŭleńnia Kačanavaj i Ejsmant24
Kamientary