Siońnia pačynajecca sud nad błohierkaj Volhaj Takarčuk. Jaje vinavaciać pa troch artykułach
Siońnia ŭ 10.30 u sudzie Zavodskaha rajona Minska (Partyzanski praśpiekt, 75a), pačniecca sudovy praces nad błohierkaj Volhaj Takarčuk
Błohiercy vystaŭlenaje abvinavačvańnie pa troch artykułach Kryminalnaha kodeksa Biełarusi. Jaje sprava pieradadzienaja prakuroru dla nakiravańnia ŭ sud.
Žančynu buduć sudzić pa niekalkich artykułach:
342 (aktyŭny ŭdzieł u dziejańniach, jakija hruba parušajuć hramadski paradak) — da troch hadoŭ pazbaŭleńnia voli (zhodna z papiaredniaj redakcyjaj Kryminalnaha kodeksa);
188 (paklop) — da troch hadoŭ pazbaŭleńnia voli;
391 (abraza sudździ ŭ suviazi z ažyćciaŭleńniem joju pravasudździa) Kryminalnaha kodeksa Respubliki Biełaruś — da troch hadoŭ abmiežavańnia voli.
Pavodle śledstva, dniom 30 žniŭnia 2020 hoda abvinavačanaja brała ŭdzieł u niesankcyjanavanym masavym mierapryjemstvie ŭ Minsku, «doŭha i ŭparta parušała hramadski spakoj, a pry znachodžańni ŭ pieršych šerahach masavaha mierapryjemstva pryniała ŭdzieł u błakavańni šlachoŭ transpartnych kamunikacyj». Taksama jaje abvinavačvajuć va ŭdziele ŭ akcyjach 20 vieraśnia i 1 listapada 2020 hoda.
Pavodle SK, Volha Takarčuk raźmiaściła ŭ Youtube rolik, «jaki źmiaščaje iłžyvyja źviestki, jakija nie adpaviadajuć rečaisnaści, u dačynieńni da sacyjalnaha piedahoha adnoj z himnazij u Bresckaj vobłaści, abrazy ŭ adras sudździ suda Pieršamajskaha rajona stalicy».
Volhu Takarčuk zatrymali 19 maja 2021 hoda. U jaje dvoje niepaŭnaletnich dziaciej — 3 i 7 hadoŭ.
Błohierka Volha Takarčuk raskazała pra svaju kryminalnuju spravu i pra dziŭnuju sustreču na Akreścina
Błohierku Volhu Takarčuk zatrymali na vačach u dziaciej, a jašče nad joj visić kryminalnaja sprava — daviedalisia, što adbyvajecca ŭ siamji
«Matulka, samaja lubaja, viarnisia, ja sumuju». Pahladzicie, jakija kranalnyja listy dzieci dasyłajuć palitźniavolenym maci (i naadvarot)
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym6
Kamientary