Pravaabaronca Valancin Stefanovič z-za krataŭ: «Voś i ciapier my pobač ź ludźmi — u turmie»
Piać miesiacaŭ, jak namieśnik staršyni pravaabarončaha centra «Viasna» i vice-prezident Mižnarodnaj fiederacyi za pravy čałavieka (FIDH) Valancin Stefanovič utrymlivajecca za kratami ŭ SIZA-1 (jaho zatrymali ŭ lipieni). Užo try tydni viasnoviec ź pnieŭmanijaj lažyć u turemnym špitali, ale, pa jaho słovach, užo idzie na papraŭku. Svoj list na volu Valancin napisaŭ 11 śniežnia — na nastupny dzień paśla Mižnarodnaha dnia pravoŭ čałavieka, paviedamlajuć pravaabaroncy.
«Učora było naša prafiesijnaje śviata — Mižnarodny dzień pravoŭ čałavieka. Nie viedaju, ci adznačyli vy jaho niejak i ŭ jakim nastroi. Ale mušu adznačyć, što ŭsie hetyja padziei i ŭsio, što z nami adbyłosia, jašče raz jaskrava demanstrujuć važnaść našaj misii, važnaść dla ŭsiaho našaha hramadstva i ŭsich ludziej.
«Viasna» zaŭsiody była i zastajecca adnoj z samych jaskravych i važnych arhanizacyj pravaabarončaj supolnaści. My stajali kala vytokaŭ pravaabarončaha ruchu Biełarusi ŭ 90-ch, my byli i zastajemsia na vastryni, zaŭsiody z našym narodam. Voś i ciapier, naša pasadka ŭ turmu — ništo inšaje, jak adznaka našaj dziejnaści z boku isnujučaha palityčnaha režymu.
A dla nas hety krok — maksimalnaja aktualizacyja prablemy palitviaźniaŭ. Pasadziŭšy pravaabaroncaŭ u turmy, jany maksimalna aktualizavali hetuju prablemu, ciapier jaje nie abminieš. Tak što, usio my rabili i robim pravilna. My ž zaŭsiody z narodam. Voś i ciapier my pobač ź ludźmi — u turmie».
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym6
Kamientary