ES vystaviŭ pretenzii da Rasii z-za palityki impartazamiaščeńnia. Heta da 290 miljardaŭ jeŭra
ES ličyć, što Rasija, niahledziačy na uziatyja na siabie raniej abaviazacielstvy pa svabodnym dostupie da rasijskaha rynku zamiežnych kampanij, dyskryminuje jeŭrapiejskich pastaŭščykoŭ pry dostupie da dziaržzakupak i addaje pieravahu rasijskim pastaŭščykam z-za palityki impartazamiaščeńnia.
Tym samym, Rasija pastaviła jeŭrapiejskija kampanii ŭ niavyhadnaje stanovišča. ES zaklikaŭ RF admianić pratekcyjanisckija miery.
Jak vynikaje sa zvarotu ES, u 2019 hodzie košt apublikavanych tendaraŭ rasijskich dziaržaŭnych pradpryjemstvaŭ skłała 23,5 trłn rasijskich rubloŭ, abo kala 290 młrd jeŭra. Heta ekvivalentna prykładna 20% VUP Rasii.
Da hetaha ES źviartaŭsia ŭ SHA dla praviadzieńnia kansultacyj z Rasijaj z nahody palityki, jakaja pravodzicca rasijskimi ŭładami ŭ adnosinach da zamiežnych kampanij, adnak abmierkavańnie hetaha pytańnia z rasijskim bokam nie vyrašyła prablemu, havorycca na sajcie handlovaj arhanizacyi.
Jak paźniej udakładniŭ TASS sa spasyłkaj na Minekanamraźvićcia Rasii, patrabavańni ES zvodziacca da admieny abo madyfikacyi asobnych mier Rasijskaj Fiederacyi, jakija parušajuć praviły SHA. U 290 młrd jeŭra ES aceńvaje rynak zakupak Rasii, a nie pryčynienuju ES škodu.
U Ministerstvie dadali, što sami praviły SHA nie praduhledžvajuć mahčymaści vypłat jakich-niebudź kampiensacyj.
Ciapier čytajuć
Tramp zaprasiŭ Łukašenku ŭvajści ŭ Radu miru pa Hazie40
Kamientary