Dyrektar Adeskaha zaaparka pieraapranuŭsia ŭ tyhra i chapaŭ žančynu za azadak VIDEA
Takim rolikam jon pavinšavaŭ žycharoŭ horada z Novym hodam.
U Adesie dyrektar zaaparka Ihar Bielakoŭ vyrašyŭ aryhinalna pavinšavać žycharoŭ horada z nadychodziačym Novym hodam. Dla hetaha jon razam ź inšymi rabotnikami zaaparka źniaŭ paciešny klip. Sam dyrektar dla jaho zdymak pieraŭvasobiŭsia ŭ tyhra.
Śviatočny klip užo apublikavali na YouTube-kanale Adeskaha zaaparka.
Pavodle siužetu videa dyrektar u kaściumie tyhra hraje rolu hadavanca zaaparka i źbiahaje z kletki. Paśla hetaha jon ledź nie napadaje na žančynu, a kali taja sprabuje zaleźci na dreva i vyratavacca ad raźjušanaha «drapiežnika», jon chapaje jaje za azadak, što na videa pakazali bujnym płanam.
Zatym tyhr biehaje pa zaaparku i pałochaje ludziej, a nieŭzabavie ŭ jaho stralajuć. Dyrektar u roli žyvioły atrymlivaje «kulu» z trankvilizatarami, paśla čaho jaho zabirajuć nazad u kletku.
Usio heta prachodzić pad pieśniu pra Novy hod, jakuju vykonvaje sam dyrektar.
Videa vyklikała ŭ hledačoŭ burnuju reakcyju. U kamientarach da rolika i pastoŭ ź im u sacyjalnych sietkach ukraincy pišuć, što siužet klipa davoli dziŭny, a pavodziny samoha dyrektara vyklikajuć šmat pytańniaŭ.
Ale dla Ihara Bielakova padobnaje videa — nie pieršaje. U 2019 hodzie jon zapisaŭ navahodniaje videavinšavańnie ŭ kaściumie pacuka. Dyrektar tady chadziŭ pa zaaparku i rabiŭ «dobryja spravy».
Ciapier čytajuć
«Dyjalekt padazrony». Śpiavak Siaroha pryjšoŭ na rasijskaje realici i sabraŭ usich chejtaraŭ1
Kamientary