Viadučy biznes-analityk EPAM nie vyjšaŭ paśla sutak. Jaho vinavaciać u biesparadkach
Supracoŭnik EPAM Dzianis Nasura nie vyjšaŭ na volu paśla administracyjnaha aryštu. Na jaho zaviedzienaja kryminalnaja sprava, paviedamlaje dev.by.
Pra heta dev.by stała viadoma ad znajomych Dzianisa. Paśla zatrymańnia 9 śniežnia jaho asudzili na 13 dzion pavodle art 19.11 č.2 KaAP (raspaŭsiudžvańnie infarmacyjnaj pradukcyi, uklučanaj u śpis ekstremisckich materyjałaŭ). Biznes-analityk adbyŭ ich u CIP na Akreścina.
Ale paśla 13 sutak Nasuru zatrymali jašče na 10 sutak pa padazreńni ŭ ździajśnieńni kryminalnaha złačynstva.
Pierad samym Novym hodam Dzianisu pradjavili abvinavačvańnie pa č. 1 art. 342 KK RB (arhanizacyja i padrychtoŭka dziejańniaŭ, jakija hruba parušajuć hramadski paradak, albo aktyŭny ŭdzieł u ich), miera ŭtrymańnia — aryšt na dva miesiacy.
Z 31 śniežnia jon znachodzicca ŭ SIZA №1 na Vaładarcy.
Nieŭzabavie paśla zatrymańnia Dzianisa Nasury ŭ praŭładnych telehram-kanałach źjaviłasia videa, u jakim ajcišnik raspaviadaje, što ŭ žniŭni 2020 hoda braŭ udzieł u pratestach i byŭ padpisany na telehram-kanały, pryznanyja ekstremisckimi.
U Dzianisa Nasury čaćviora dziaciej, ź ich troje — niepaŭnaletnija.
Čerhaŭ na miažy ciapier nie budzie? Čaho čakać ad adkryćcia «Bruzhoŭ» i «Bierastavicy»9
Kamientary