U Breście dyrektar firmy vydavaŭ padroblenyja kamandzirovačnyja dakumienty dla vyjezdu za miažu
Apieratyŭniki vyśvietlili, što z kastryčnika 2021 hoda 38-hadovy mužčyna za ŭznaharodžańnie «adpraŭlaŭ u kamandziroŭku» achvotnych. Padroblenyja dakumienty byli nieabchodnyja dla spraščeńnia pierasiačeńnia miažy ŭ suviazi ź isnujučymi «antykavidnymi» abmiežavańniami.
Pasłuhami pradprymalnika skarystalisia vosiem čałaviek.
Uładalniki takich kamandzirovačnych dakumientaŭ vyzvalalisia ad nieabchodnaści zachoŭvańnia režymu samaizalacyi, a taksama mahli pierasiakać miažu biez PŁR-testa.
Kamandzirovačnyja paśviedčańni vydavalisia ŭ tym liku i asobam, jakija nie mieli pracoŭnych adnosin ź firmaj.
Za svaje pasłuhi mužčyna atrymlivaŭ z kožnaha klijenta kala dziesiaci dalaraŭ, paviedamlaje pres-słužba MUS.
Bolš za hod biełarusy nie mohuć svabodna vyjazdžać z krainy naziemnym transpartam. Z 19 śniežnia 2020 hoda ŭviedzienyja abmiežavańni na vyjezd. Hramadzianam patrebnyja važnyja pryčyny dla zamiežnych pajezdak: kamandziroŭka, vučoba, lačeńnie i h.d.
Kamientary