U Pinskim rajonie mamu 10-hadovaha školnika paprasili dać zhodu na vakcynacyju syna ad kavidu
U adnoj sa škoł Pinskaha rajona mamu 10-hadovaha vučnia paprasili padpisać zhodu na vakcynacyju ad karanavirusa. Pry hetym u Biełarusi sa zhody baćkoŭ vakcynujuć dziaciej 12-17 hadoŭ.
— Ja saču za navinami i viedaju, što pryščepki dazvolili rabić tolki z 12 hadoŭ, — raspaviała žurnalistam «Miedyja-Paleśsia» žančyna. — Patelefanavała ŭ škołu, mnie adkazali, što, mahčyma, piedahohi niapravilna zrazumieli miedrabotnikaŭ i razdali zhody ŭsim navučencam. U baćkoŭskim čacie mnie adkazali, što adnakłaśniki syna prynieśli dadomu takija ž «papierki». Moža, i praŭda, pierabłytali ci niešta źmianiłasia adnosna ŭzrostu pryščepak, a my nie ŭ kursie?
U Bresckim abłasnym centry hihijeny, epidemijałohii i hramadskaha zdaroŭja raspaviali, što na siońniašni dzień pryščepki robiacca dzieciam i padletkam z 12 hadoŭ kitajskaj vakcynaj «Vero Cell».
Pry hetym u centry adznačyli, što płanujecca vakcynacyja dziaciej i da 12 hadoŭ pryščepkaj «Pfizer».
Zajaŭka na vakcynu ŭžo padadzienaja. Tamu, mahčyma, chutka buduć znoŭ źbirać zhody, u tym liku i ŭ čytački.
Stała viadoma pra śmierć 22-hadovaha chłopca, jakoha asudzili pa palityčnaj kryminałcy2
Kamientary