Ułady Aŭstralii znoŭ anulavali vizu Novaka Džokaviča. Jaho, napeŭna, departujuć
Šancaŭ na toje, što Džokavič voźmie ŭdzieł u Australian Open, jaki jon vyjhravaŭ dzieviać razoŭ, praktyčna niama, piša Bi-bi-si.
Paviedamlajecca, što sierbu mohuć zabaranić ujezd u Aŭstraliju na try hady.
5 studzienia Džokavič — pieršaja rakietka śvietu — prylacieŭ u Mielburn dla ŭdziełu ŭ Adkrytym čempijanacie Aŭstralii pa tenisie. Adnak tady vizu spartsmiena anulavali aŭstralijskija pamiežniki.
Pavodle aficyjnaj viersii, tenisist nie zmoh padać usie dakumienty, jakija dazvalajuć ujezd u krainu dla ŭdziełu ŭ turniry, jon nie mieŭ abaviazkovaj dla ŭsich vakcynacyi suprać kavidu.
Nieviadoma, ci vakcynavaŭsia Džokavič. Sam jon pra heta nie kazaŭ, ale letaś vykazvaŭsia suprać prymusovaj vakcynacyi. A apošnim časam paźbiahaŭ adkazu na hetaje pytańnie.
10 studzienia aŭstralijski sud admianiŭ rašeńnie ab anulavańni vizy Džokaviča i daručyŭ vypuścić jaho na volu z departacyjnaj haścinicy.
Učora Džokavič pry losavańni navat atrymaŭ imia supiernika ŭ pieršym raŭndzie turniru.
U Aŭstralii anulavali vizu top-tenisistu Džokaviču. Jaho źbirajucca departavać z-za adsutnaści pryščepki
Aŭstralijski sud admianiŭ rašeńnie ab anulavańni vizy Novaka Džokaviča. Jon, mahčyma, zmoža ŭdzielničać u Australian Open
Novy pavarot u spravie Novaka Džokaviča: mahčyma, top-tenisist padrabiŭ vyniki PŁR-testa
Stała viadoma pra śmierć 22-hadovaha chłopca, jakoha asudzili pa palityčnaj kryminałcy2
Kamientary