Školnaje charčavańnie: porcyi mienšyja, čym treba, ale i heta nie jaduć
Kamitet dziaržaŭnaha kantrolu pravieryŭ charčavańnie ŭ škołach i daškolnych ustanovach Viciebskaj vobłaści. Manitorynh u listapadzie-śniežni 2021 hoda ŭ škołach Viciebska, Aršanskaha i Loźnienskaha rajonaŭ pakazaŭ niedachopy.
Jak vyjaviŭ KDK, navučency admaŭlajucca jeści toje, što im dajuć. Padčas pravierki na stałach u abiedziennych załach znachodziłasia vialikaja kolkaść astatkaŭ ježy, jakija vykidvalisia ŭ adchody.
Naprykład, u adnoj sa škoł Viciebska paśla śniadanku kala pałovy druhich straŭ (hulaš i makarona) zastalisia niekranutyja, u loźnienskaj škole adchody tvarožnaj zapiakanki sa śmiatanaj skłali bolš za čverć porcyj.
Taksama byli vyjaŭlenyja fakty niedakładańnia porcyj. Naprykład, u adnoj ź viciebskich škoł siaredniaja niedavaha porcyi skłała 26%.
Z praduktami na składach taksama nie było naležnaha paradku, vyjavili jak vypadki liškaŭ, tak i niastačy praduktaŭ. Naprykład, u škole ŭ Aršanskim rajonie na składzie byli liški praduktaŭ na 22 kh. Tam ža ŭstanoŭlenaja niastača sokaŭ, małaka i kaŭbasy.
Ustanovam adukacyi nakiravanyja rekamiendacyi pa naviadzieńni paradku. Jak paviedamlaje KDK, šerah niedachopaŭ apieratyŭna likvidavany: sumy niastačy kampiensavanyja vinavatymi asobami; vyniataje z abarotu znošanaje abstalavańnie i posud, u niekatorych škołach zamienienaje abstalavańnie; praviedzienaje ankietavańnie navučencaŭ i źmienieny asartymient straŭ z ulikam ich pieravah.
Da dyscyplinarnaj adkaznaści pryciahnutyja dzieviać kiraŭnikoŭ i rabotnikaŭ ustanoŭ adukacyi.
Stała viadoma pra śmierć 22-hadovaha chłopca, jakoha asudzili pa palityčnaj kryminałcy2
Kamientary